Зилзила дар Душанбе
Душанбе, 18 апрел.(АМИТ «Ховар», Марзия Саидова).-17 апрел соати 20 -16 дақиқа ба вақти маҳаллӣ дар қаламрави Тоҷикистон зилзила мушоҳида гардид. Тавре ки аз Хадамоти геофизикии Академияи илмҳои ҷумҳурӣ ба АМИТ «Ховар» иттилоъ доданд, маркази зилзила дар 260 километрии қисмати ҷанубу шарқии шаҳри Душанбе дар ҳудуди Афғонистон воқеъ буд. Тибқи маълумоти зилзилашиносон қувваи зилзила дар марказаш 4 балл ва дар Душанбе 2-3 баллро ташкил дод.