Баррасии ҳифзи бехатарии меҳнат

Душанбе, 5 сентябр.(АМИТ «Ховар», Меҳрубон Сатторова). Рӯзҳои 3-4 сентябри соли равон бо ибтикори Созмони байналмилалии меҳнат дар осоишгоҳи «Шоҳамбарӣ» семинари омӯзишии ду рӯза оид ба ҳифзи бехатарии меҳнат бо иштироки кормандони Иттифоқҳои касабаи ҷумҳурӣ доир гардид. Дар он ҳамоҳангсози миллии лоиҳа Гулчеҳра Зиёева дар бораи ҳифзи ҳуқуқҳои корманд дар корхона ва корфармо маълумоти муфассал пешниҳод кард.Аз ҷумла, дар моддаи 37-и Қонуни Ҷумҳурии Тоҷикистон «Дар бораи иттифоқҳои касаба» омадааст: шахсони воқеӣ ва ҳуқуқие, ки муқаррароти Қонуни мазкурро риоя намекунанд мутобиқи қонунгузории Тоҷикистон ба ҷавобгарӣ кашида мешаванд. Иштирокдорони семинар ба саволҳои худ ҷавоби муносиб гирифта, донишҳои худро дар ин бахш такмил доданд.