Муҳокимаи лоиҳаҳои дорои аҳамияти минтақавӣ

Душанбе, 26 сентябр. (АМИТ «Ховар», Мавҷуда Анварӣ). — Дирӯз дар ҳошияи мубоҳисаҳои умумии 67-умин иҷлосияи Маҷмаи Умумии СММ мулоқоти роҳбари ҳайати Ҷумҳурии Тоҷикистон Ҳамрохон Зарифӣ бо ёвари Котиби давлатии ИМА Роберт Блейк, роҳбари Маркази минтақавии дипломатияи боздорандаи СММ дар Осиёи Марказӣ Мирослав Енча, мудири бахши Бонки Ҷаҳонӣ Кайл Петерс ва намояндаи вижаи Иттиҳоди Аврупо дар Осиёи Марказӣ Патрисия Флор доир гашт. Дар ҷараёни мулоқот масъалаҳои ҳамкориҳо дар минтақа дар соҳаҳои гуногун, аз ҷумла нақлиёт, тиҷорат, обу энергетика ва лоиҳаҳои дорои аҳамияти минтақавӣ мавриди муҳокима қарор дода шуданд. Ҷонибҳо инчунин дар мавриди дурнамои рушди иҷтимоӣ ва иқтисодии минтақа, сармоягузории лоиҳаҳои инфрасохторӣ мубодилаи афкор анҷом доданд.Дар ин бора аз Вазорати корҳои хориҷии кишвар ба АМИТ «Ховар» иттилоъ доданд.