Мусобиқаи хотирмон

Бадахшон, 15 октябр. (АМИТ «Ховар, Л. Додо»).- Дар шаҳри Хоруғ мусобиқаи варзишии футбол, шашкаю шоҳмот, ки бо ибтикори вазири корҳои дохилии ҷумҳурӣ генерал-лейтенанти милитсия Рамазон Раҳимов рӯи кор омад, анҷом ёфт. Дар мусобиқаи шашкаю шоҳмот, ки дар боғи истироҳатию фароғатии шаҳрии «Чорбоғ» доир гардид, беш аз 60 нафар варзишгар аз шаҳри Хоруғ, навоҳии Рӯшон, Шуғнон ва Роштқалъа ширкат доштанд. Бозии футбол байни дастаи «Динамо»-и вазорати корҳои дохила ва тими яккачини шаҳри Хоруғ бо иштироки мухлисони сершумор дуранг анҷом ёфт.