Озмун ҷамъбаст гардид

Душанбе, 11 феврал.(АМИТ «Ховар», Ҳотам Рабиев).- Дар Донишгоҳи техникии Тоҷикистон ба номи М. Осимӣ озмун барои нишондодҳои беҳтарин ҷамъбаст гардид. Роҳбарияти донишгоҳ барои нишондодҳои беҳтарин ва фаъолияти пурсамар ба мудири кафедраи информатика ва техникаи ҳисоббарор, муаллими калон Чоршанбе Равшанов диплом, нишони фахрӣ ва мукофоти пулӣ тақдим намуд. Ҳамчунин бо ин мукофотҳо проффесор Изатулло Ғаниев, дотсент Аҳмадҷон Рӯзиев, ассистент Фаррух Маҳмадхоҷаев сарфароз гардиданд. Бояд зикр намуд, ки чунин озмунҳо дар донишгоҳи мазкур ҳамасола баргузор мегарданд.