Вазири корҳои хориҷии Тоҷикистон ба Париж рафт
Душанбе, 11 феврал (АМИТ «Ховар»).- 10 феврали соли 2013 вазири корҳои хориҷии Ҷумҳурии Тоҷикистон Ҳамрохон Зарифӣ барои иштирок дар маросими муаррифии «Соли байналмилалии ҳамкорӣ дар соҳаи об, 2013», ки 11 феврал дар қароргоҳи ЮНЕСКО барпо мегардад, бо сафари корӣ озими Париж шуд. Дар доираи сафар ба Париж вазири корҳои хориҷии Тоҷикистон дар ифтитоҳи чорабинӣ сухан гуфта, мулокоти дуҷониба, аз ҷумла, бо мудири кулли ЮНЕСКО Ирина Бокова баргузор хоҳад кард. Бояд зикр кард, ки 21 декабри соли 2012 Маҷмаи умумии СММ қатъномаро дар бораи «Баргузор намудани Соли байналмилалии ҳамкорӣ дар соҳаи об, 2013», ки аз ҷониби Тоҷикистон таҳия ва пешниҳод гардида буд, бо иттифоқи оро қабул намуд. Мутобиқи қатъномаи мазкур 22 марти 2013 дар Ню-Йорк Муколамаи интерактивии сатҳи баланди Маҷмаи Умумии СММ бахшида ба «Соли байналмилалии ҳамкорӣ дар соҳаи об, 2013», ҳамчунин моҳи августи соли 2013 Конфронси байналмилалии сатҳи баланд оид ба ҳамкорӣ дар соҳаи об ба нақша гирифта шудааст.
Донишгоҳи давлатии Бохтар ҳамкории байналмилалиро бо муассисаҳои хориҷӣ густариш медиҳад
Шаҳрвандон ва соҳибкорон тавассути ПОС – терминалҳо ва ҳамёнҳои электронӣ 3,7 миллион амалиёти ғайринақдӣ анҷом доданд
Имрӯз дар баъзе ноҳияҳои Тоҷикистон чангу ғубор боқӣ мемонад
Имрӯз дар Донишгоҳи техникӣ ва Донишгоҳи аграрӣ нишасти матбуотӣ баргузор мегардад
Имрӯз дар доманакӯҳҳои Тоҷикистон ҳаво то 34 дараҷа гарм мешавад
Дар ду басти истироҳатгоҳи «Дурахшон» 230 нафар кӯдакону наврасон ба фароғат фаро гирифта шуданд
Имрӯз дар водиҳои Тоҷикистон ҳаво то 32 дараҷа гарм мешавад
