Барқияи табрикии Э.Раҳмон ба А.Лукашенко

Душанбе, 3 июл (АМИТ «Ховар»).- Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Белорус Александр Лукашенко барқияи табрикӣ ирсол намуд, ки дар он аз ҷумла омадааст:«Муҳтарам Александр Григоревич, Барои ман боиси фараҳмандист, то ба Шумо табрикоти самимии худро ба муносибати Иди миллии Ҷумҳурии Белорус ирсол намоям.Бо қадрдонӣ аз равобити суннатӣ ва дӯстиву ҳамкории наздики байни кишварҳоямон боварӣ дорам, ки равобити муътамад ва созандаи байни Белорус ва Тоҷикистон дар оянда низ рушду густариш хоҳанд ёфт.Мутмаинам, ки мо бо ҳам метавонем ба рушди ҳамкориҳои мутақобилан судманд ва ба нафъи мардуми ду кишвар нигаронидашуда такони тоза бахшем.Дар ин рӯзи таърихӣ ба Шумо, муҳтарам Александр Григоревич сиҳатии комил ва ба халқи дӯсти белорус сулҳу рифоҳ ва шукуфоиро орзу менамоям»
 
Дар ин бора ба АМИТ «Ховар» аз Хадамоти матбуоти Президенти Ҷумҳурии Тоҷикистон иттилоъ доданд.