Форуми тоҷикони хатмкардаи донишкадаҳои олии Русия

Душанбе, 2 декабр. (АМИТ «Ховар», Mарҳабо Зунунова).- Сафири Русия дар Тоҷикистон И.С. Лякин — Фролов дар Форуми П тоҷикони хатмкардаи донишкадаҳои олии Русия (шӯравӣ) иштирок намуд. Ин чорабинӣ бо ибтикори Сафорати Федератсияи Русия ва Намояндагии ҳамкории Русия дар Тоҷикистон бо дастгирии як қатор вазоратҳо ва сохторҳои ҳукуматии ҶТ баргузор гардид. Дар форум беш аз 100 нафар хатмкунандагони донишкадаҳои олии Русия (шӯравӣ), ки дар ҷумҳурӣ ва берун аз он машҳур буда, ба таҳкими иқтидори иҷтимоию иқтисодии Тоҷикистон саҳми бузург мегузоранд, иштирок доштанд. И.С. Лякин — Фролов зимни суханрониаш зикр намуд, ки «ҳазорҳо нафар хатмкунандагони донишкадаҳои олии Русия ва Шӯравӣ дар ҳамаи соҳаҳои Тоҷикистон фаъолият доранд. Онҳо шахсони боистеъдод буда, зимни фаъолияти худ аз дастовардҳои бузурги маънавиёти Русия ва Тоҷикистон истифода мекунанд. Дар форум тасмим гирифта шуд, ки ҷамъияти хатмкунандагони донишкадаҳои олии Русия таъсис дода шавад.