Эҳёи меҳнати хонагии занону духтарон

 Хуҷанд, 02.04.2014. (АМИТ “Ховар”,Абдуаҳад  Шарифзода).-Дар вилояти Суғд ба эҳёи анъанаву ҳунарҳои ниёгон диққати хосса дода мешавад. Чунончи, мувофиқ ба қарори раиси вилоят бахшида ба 20 — солагии қабули Сарқонуни Ҷумҳурии Тоҷикистон,  соли равон дар қаламрави вилоят байни занону духтарони ҳунарманд озмуни «Меҳнати хонагии занону духтаронро эҳё менамоем» гузаронида мешавад.
Тавре ки манбаъ аз хадамоти матбуоти роҳбари вилоят иттилоъ дод,  мақсади асосии баргузории озмуни мазкур- ин пеш аз ҳама эҳёи ҳунарҳои миллии ниёгон ва тарғиби корҳои хонагӣ буда, дар раванди ин дарёфти беҳтарин ҳунармандони ҳунарҳои дастӣ — қолинбофон, сӯзанидӯзон, адрасбофон ва ҳамзамон бо ҷои кор таъмин намудани занону духтарон мебошад.