Чаро имом -хатиби масҷид маводи нашъаовар нигоҳ медошт?
Душанбе, 14.10.2014. (АМИТ «Ховар», Лайло Тоирӣ)- Дар доираи амалиёти “Кӯкнор-2014” кормандони Раёсати Агентии назорати маводи нашъаовар (АНМН)-и назди Президенти ҶТ дар вилояти Хатлон дар ҳудуди ноҳияи Вахш имом-хатиби 36-солаи масҷиди ҷомеи ба номи “Абубакри Сиддиқ”-и шаҳри Қӯрғонтеппаро боздошт намуданд. Ҳангоми кофтукови шахсӣ аз ӯ 4 қуттии вазелин ва бастаи селофанӣ бо маводи қаҳваранг дарёфт гардид.
Тавре ки ташхиси судӣ муайян намуд, маводи боздоштшуда афюн буда, тафтишоти пешакӣ муайян намуд, ки имом-хатиб худ афюн истеъмол менамудааст ва онро дар байни сокинон мефурӯхтааст. Зимни чораҳои фаврӣ-ҷустуҷӯӣ, аз ҷумла ду нафар сокини вилоят дастгир гардид, ки ба имом-хатиб афюнро мефурӯхтаанд.
Бино ба иттилои хадамоти матбуоти АНМН, аз рӯи ҳодисаи мазкур аз тарафи шуъбаи тафтишотии агентӣ бо моддаи 200 қ.2 (муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан) парвандаи ҷиноӣ оғоз гардид.
Боздоштшудагон дар тавқифгоҳи нигоҳдошти муваққатии Раёсати агентӣ нигоҳдорӣ мешаванд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
