Шароити мусоид барои забономӯзӣ
Душанбе, 8.10.2014. (АМИТ “Ховар”, Мавҷуда Анварӣ).- Дар Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба 25-умин солгарди рӯзи қабули Қонун «Дар бораи забони давлатӣ» чорабинии идона доир гардид.
«Забони тоҷикӣ ба ҳайси забони давлатӣ дар Ҷумҳурии Тоҷикистон мавқеи асосӣ дорад. Қонуни Ҷумҳурии Тоҷикистон дар бораи забон вазъи ҳуқуқии забони давлатиро муайян ва истифодаи онро дар Ҷумҳурии Тоҷикистон танзим менамояд. Ин иқдоми наҷиб нуфузу эътибори забони давлатиро ҳамчун асоситарин воситаи рушду инкишофи соҳаҳои иқтисодиву иҷтимоӣ, сиёсию фарҳангӣ ва муоширати умумии сокинони мамлакат боз ҳам боло бурд»,-иброз намуд раиси кумитаи мазкур Хайрулло Ибодзода.
Дар ҷамъомад зикр гардид, ки тибқи талаботи замони муосир ва дар шароити ҷаҳонишавӣ, васеъ гаштани мақоми иттилооти ҷаҳонӣ аз тариқи шабакаҳои интернету алоқаи маҳворагӣ бояд кӯшиш ба харҷ дод, то дар қатори донистани забони давлатӣ забонҳои хориҷӣ, махсусан русию англисӣ низ омӯхта шаванд. Имрӯзҳо барои забономӯзӣ шароити мусоид фароҳам аст.
Зимни ҳамоиш иштирокчиён дар самти поку беолоиш нигоҳ доштан ва барои дар ҷойҳои ҷамъиятӣ бо забони адабӣ муошират кардани ҳар як нафар андешаҳои хешро баён доштанд.
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Имрӯз дар Тоҷикистон ҳаво то 27 дараҷа гарм мешавад
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
