Мусобиқаҳои варзишӣ байни низомиён

Душанбе, 15.04.2015. (АМИТ  «Ховар», Лайло Тоирӣ).- Дар доираи чорабиниҳоии варзишӣ бахшида ба оғози мусобиқаҳои варзишии соли 2015 дар варзишгоҳи Кумитаи марказии варзишии артиши Вазорати мудофиа мусобиқа аз намуди гӯштини миллӣ баргузор гардид.
Ба ин мусобиқаи варзишӣ дар гарнизони Душанбе  дастаҳои варзишии қисму воҳидҳои ҳарбии ҳудуди пойтахт ва қисмҳои ҳабии гарнизони Хатлон ҷалб гардиданд. Зимни баргузории мусобиқа сарбозони дастаҳои варзишии қисмҳои ҳарбии иштирокчӣ, аз вазнҳои 65 то 90 байни ҳам қувваозмоӣ намуда, маҳорату малакаи хуб нишон доданд, ки бино ба гуфтаи масъулин чанде аз сарбозон омодаанд дар дигар мусобқаҳои гӯштини миллии сатҳи ҷумҳуриявӣ ширкат варзанд.
Ҳамин гуна чорабинии варзишӣ таҳти шиори «Ҳомии Ватан» дар ҳудуди вилояти Суғд низ ба роҳ монда шуд, ки назорат ва доварии онро намояндагони Кумитаи марказии варзишии артиши Вазорати мудофиа дар ин гарнизон бар уҳда доштанд.
Дар мусобиқаи ҳарбӣ-варзишии мазкур, ки байни дастаҳои варзишии сарбозони қисмҳои ҳарбии гарнизони Суғд баргузор гардиданд, иштирокчиён аз 9 навъи варзиш, аз ҷумла футболи хурд, вазнбардорӣ ва бандкашӣ ширкат варзида, байни ҳам қувваозмоӣ намуданд.
Ҳамзамон дар байни дастаҳои варзишии қисму воҳидҳои ҳарбии десантии ин гарнизон мусобиқа аз намуди ҷанги тан ба тан баргузор гардид, ки дастаҳои иштирокчӣ маҳорати баланди ҷангӣ нишон доданд.
Дар ин бора ба АМИТ «Ховар» аз Вазорати мудофиаи ҶТ иитилоъ доданд.