Дастаи мунтахаби ҷавонони Тоҷикистон ба Ҷоми Иттиҳод — 2016 тайёрӣ мебинад

Душанбе, 24.12.15. (АМИТ «Ховар»). —  Дастаи  мунтахаби  ҷавонони  Тоҷикистон  оид ба  футбол  тайёриро  ба  Ҷоми  Иттиҳод —  2016, ки  аз  17  то  23 январ  шаҳри  Санкт — Петербург  баргузор  мешавад, идома  медиҳад. 
Тавре  ки  дар Федератсияи  футболи  Тоҷикистон  хабар доданд, дастаи  футболбозони  ҷавони  Тоҷикистон  ба  мусобиқоти  Санкт — Петербург  дар  Варзишгоҳи  марказии ҷумҳуриявии  шаҳри  Душанбе   омодагӣ  мегирад. Машқҳо  мувофиқи  нақшаи  таълимӣ  роҳандозӣ  шуда,  то 30  декабр  идома  меёбанд. 
Ёдовар мешавем, ки  шогирдони  Роман  Пилипчук  дар сабқати  гурӯҳии   Ҷоми  Иттиҳод —  2016 дар гурӯҳи  «В»  бо  дастаи  Русия,  Латвия  ва  Эстония  қувваозмоӣ  менамоянд.
Вохӯриҳо  барои  дарёфти Ҷоми  Иттиҳод, ки дар он  футболбозони  соли  таваллудашон  1994  ва  ҷавонтар  аз  он ҳуқуқи  иштирок карданро  доранд,  дар маҷмааи  варзишии «Олимпийский» — и  шаҳри  Санкт — Петербург  сурат  мегиранд.