Таркиш дар меҳмонхонаи маркази Стокголм

Душанбе, 24.12.15. (АМИТ «Ховар»). — Назар  ба  иттилои Expressen,  дар тарабхонаи  меҳмонхонаи Berns Hotel, воқеъ  дар  маркази  пойтахти  Шветсия  таркиш  ба  амал  омад. 
Тавре  ки Sueddeutsche Zeitung зимни  истинод  ба пулиси  Стокголм  хабар  медиҳад,  шахси  номаълум асбоби таркандаро  ба  тарабхонаи серодам  ҳаво  дод. 
«Ба  мо  занг  зада  хабар  доданд, ки   шахси  номаълум  асбоби  таркандаро  ба  тарабхона ҳаво  додааст. Дар  ин  асно  дари тарабхона  баста  буду касе  зарар  надид, вале  кормандони он  дар  дохилаш  буданд», —  гуфтанд  дар идораи   пулиси  шаҳр.
Алҳол  дар  маҳали  воқеа   кормандони  мақомоти ҳифзи  ҳуқуқ   кор  карда,  навъи   асбоби  тарканда  муайян  карда  мешавад. 
Тавре  ки Expressen зимни  истинод ба  мухбири  худ  хабар  медиҳад,  меҳмонхона  ва   нисфи Боғи Бертсени,  воқеъ дар  шафати  ҷойи таркиш баста  шудаанд.