«Истиқлол» бо футболбозони нав шартнома баст

Январь 12, 2016 15:57

Душанбе, 12.01.2016 (АМИТ «Ховар»). — Дастаи футболи «Истиқлол», ки моҳи феврал дар бозиҳои Ҷоми конфедератсия футболи Осиё (КФО) иштирок мекунад, бо чор футболбози нав шартномаро ба имзо расонд.
Қаҳрамони Тоҷикистон, ки самти ҷавонгардонии ҳайат ва тарбияи бозингарони ҷавонро пеш гирифтааст, 11 январ расман ба расмиятдарории созишномаро бо чор футболбози нав ба анҷом расонд. Барои тарбия ва омода намудани футболбози арзанда барои даста ва тими миллӣ, «Истиқлол» бо бозингарони тими миллии ҷавонони Тоҷикистон ва тими миллии кишвар ҳамлагар Ҷаҳонгир Алиев («Хуҷанд»), нимҳимоягарон Нозим Бобоҷонов ва Фаридун Шарипов (ҳарду аз «Регар-ТадАЗ») ва ҳамчунин бо дарвозабон Эмомалӣ Сониев, ки қаблан дар ҳайати «Истиқлол» баромад мекард, созишнома ба имзо расонд.
Дастаи пойтахт бо ҳамаи бозингарон шартномаи сесола баст. Ҳоло ҳар чор футболбоз дар ихтиёри тими миллии ҷавонони Тоҷикистон (U-22), ки 16 январ барои иштирок дар «Ҷоми Иттиҳод-2016» ба Русия сафар мекунанд, қарор доранд. Бозингарони нав пас аз анҷоми мусобиқа дар Санкт-Петербург ба дастаи «Истиқлол» ҳамроҳ хоҳанд шуд.

Январь 12, 2016 15:57

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод