Қуръапартоии марҳилаи пешакии Ҷоми Тоҷикистон оид ба футзал баргузор шуд

Душанбе, 08.01.2016 (АМИТ «Ховар»). — Дар толори Федератсияи футболи Тоҷикистон қуръапартоии марҳилаи пешакии Ҷоми Тоҷикистон оид ба футзал дар минтақаи Душанбе баргузор гардид. Дар марҳилаи пешакӣ дар минтақаи Душанбе 13 даста иштирок хоҳанд кард — «Амонатбонк», «Помир», «Бонки миллӣ», «Динамо», «Пойтахт», «Сафариён», «Ҷаҳоннамо», «Tcell», «ДИСИ Инвест-2», «Қараболо», ДДМТ «Сино», «Билайн», (ҳамааш аз Душанбе) ва «Қалъаи Ҳисор» (Ҳисор). Ҳамаи бозиҳо дар маҷмааи варзишии «Тоҷикгосстандарт» дар Яккачинор мегузаранд. Ҳамчунин қуръапартоии марҳилаи дуюми Ҷоми Тоҷикистон -2016 (марҳилаи 1/8 ниҳоӣ) баргузор гардид. Аз рӯи натиҷаи қуръапартоӣ ҷуфтҳо ба таври зайл муайян шуданд:
ТКБ «Лизинг» (Душанбе) — «ДИСИ Инвест» (Душанбе)
«Сипар» (Хуҷанд») — дастае, ки ҷои дуюмро дар минтақаи Душанбе ишғол кардааст
«Формула успеха» (Душанбе)- «Самандар» (Турсунзода)
«Эсхата» (Кӯлоб) — «Газпром» (Душанбе)
«Соро компания» (Душанбе) — «Шапарак» (Хуҷанд)
Бозиҳои аввал 5 март ва бозиҳои ҷавобӣ 12 март баргузор мегарданд.