Ҷаласаи XXI Шӯрои роҳбарони агентиҳои иттилоотии давлатии ИДМ дар Душанбе баргузор мегардад
Душанбе, 29.02.2016. (АМИТ «Ховар»). — Ҷаласаи XXI Шӯрои роҳбарони агентиҳои иттилоотии давлатии Иттиҳоди Давлатҳои Мустақил 15-16 марти соли 2016 дар Китобхонаи миллии Тоҷикистон дар шаҳри Душанбе баргузор мегардад.
Иштирокдорони ҷаласа фаъолияти агентиҳои иттилоотиро дар соли 2015 натиҷагирӣ карда, нақшаи корӣ барои соли равонро муҳокима мекунанд. Дар ҷараёни мулоқот, ҳамчунин баррасии масъалаҳои ҳамкории хадамоти аккосӣ ва омодагӣ ба ҷашни 25-солагии Иттиҳод, ки моҳи декабр таҷлил мегардад, дар назар аст. Роҳбарони агентиҳои иттилоотии давлатӣ оид ба татбиқи лоиҳаҳои муштарак низ табодули афкор хоҳанд кард.
Дар кори ҷаласа раиси Шӯрои агентиҳои иттилоотии давлатии ИДМ, директори генералии ТАСС Сергей Михайлов, роҳбарони агентиҳои иттилотии давлатии Арманистон, Беларус, Қазоқистон, Қирғизистон, Молдова, Озарбойҷон, Тоҷикистон, Русия ва намояндагони Кумитаи иҷроияи ИДМ иштирок мекунанд.
Пазироии иштирокдорони ҷаласа аз ҷониби роҳбарияти Тоҷикистон, боздиди онҳо аз ҷойҳои тамошобоби Душанбе ва атрофи он, инчунин вохӯрӣ бо намояндагони ҷомеа ва донишҷӯён дар назар аст.
Ёдовар мешавем, ки Шӯрои роҳбарони агентиҳои иттилоотии давлатӣ 3 ноябри соли 1995 бо Созишномаи ҳукуматҳои давлатҳои аъзои ИДМ бо мақсади мусоидат ба рушди ҳамкории иттилоотӣ созмон дода шудааст. Яке аз вазифаҳои асосии агентиҳои иттилоотии давлатии аъзои Шӯрои агентиҳои иттилоотии давлатии ИДМ маълумот додан ба аҳолӣ оид ба равандҳои ҳамгироӣ дар Иттиҳод мебошад. Шӯрои агентиҳои итилоотии давлатии ИДМ ба масъалаи ҳамкорӣ барои аз худ намудани технологияҳои муосири ВАО ва истифодаи васеи он таваҷҷуҳи зиёдр зоҳир менамояд.
Дар Токио имконияти таҳсили донишҷӯёни Тоҷикистон дар Донишгоҳи Тсукубаи Ҷопон муҳокима шуд
Тақвияти ҳамкории бисёрҷонибаи Тоҷикистон бо Созмони ҳамкории иқтисодӣ мавриди баррасӣ қарор гирифт
Сафири Тоҷикистон дар Қатар бо директори генералии Бунёди «Маориф аз ҳама боло» мулоқот намуд
Президенти Қазоқистон бо Сарвазири Тоҷикистон мулоқот намуд
Тоҷикистон ва Қазоқистон Аҳднома дар бораи муносибатҳои ҳампаймониро ба имзо расониданд
Пешвои миллат Эмомалӣ Раҳмон Мудири кулли Хазинаи кувайтии рушди иқтисодии араб Валид Ал-Баҳарро ба ҳузур пазируфтанд
Сафири Тоҷикистон бо раиси вилояти Панҷоби Покистон мулоқот намуд
ДАР МАРЗҲОИ ДӮСТӢ. Муносибатҳои сиёсии Тоҷикистон ва Қазоқистон аз имтиҳони таърих гузаштаанд
Тоҷикистон ва Қатар густаришу таҳкими ҳамкорӣ байни прокуратураҳои генералии ду давлатро муҳим арзёбӣ намуданд
Дар Женева ҳамкории Тоҷикистон бо Иттиҳоди байналмилалии алоқа баррасӣ гардид
Аввалин хатмкунандагони Донишгоҳи давлатии тиббии Тоҷикистон аз ҳисоби шаҳрвандони Покистон соҳиби диплом шуданд
Тақвияти ҳамкории бонкӣ байни Тоҷикистон ва Швейтсария баррасӣ шуд
