Қазоқистон дуюмин кишвар дар қабули муҳоҷирони меҳнатӣ аз Тоҷикистон
Душанбе, 30.03.2016.(АМИТ «Ховар»).- «Қазоқистон баъд аз Русия дуюмин кишвари қабули муҳоҷирони меҳнатӣ аз Тоҷикистон маҳсуб мешавад»,-гуфт имрӯз дар Парлумони мамлакат Нурулло Маҳмадуллозода, муовини вазири меҳнат, муҳоҷират ва шуғли аҳолии кишвар. Мавсуф афзуд, ки тибқи омор теъдоди муҳоҷирони меҳнатӣ аз Тоҷикистон дар Қазоқистон дар солҳои 2013-2015 беш аз 20 ҳазор нафарро ташкил медиҳад. Аз ҷумла, тибқи маълумоти рафту омади шаҳрвандон тавассути гузаргоҳҳои сарҳади давлатии Ҷумҳурии Тоҷикистон дар соли 2015 наздики 11 ҳазор шаҳрвандони кишварамон ба Қазоқистон ба муҳоҷирати меҳнатӣ сафар намудаанд. Дар Қазоқистон ҳамзамон тоҷикони бурунмарзӣ ҳамчун сокинони муқимии ин кишвар кору зиндагӣ менамоянд. Алҳол дар Қазоқистон 8 ҷамъияти тоҷикон расман фаъолият доранд, ки вазорат бо онҳо робитаи зич дорад,- афзуд муовини вазир. Инчунин дар асоси шартномаи ҳамкорӣ бо 8 ширкати Қазоқистон беш аз 100 шаҳрванди кишварамон дар Қазоқистон бо кор таъмин шуданд. Бо мақсади рушди ҳамкорӣ, пиёда гардонидани қоидаҳои буду бош, ҷалби муҳоҷирони меҳнатӣ ва тақвияти ҳифзи ҳуқуқу манфиати онҳо тибқи Протоколи ҷаласаи 12-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ лоиҳаи созишномаҳои ҳамкорӣ байни Ҳукумати Ҷумҳурии Тоҷикистон ва Ҳукумати Ҷумҳурии Қазоқистон дар бораи мубодилаи иттилоот дар самти муҳоҷирати меҳнатӣ ва оид ба тартиби буду боши шаҳрвандони ду кишвар дар қаламрави давлатҳои ҳамдигар омода шудаанд, ки алҳол лоиҳаи санадҳои мазкур дар баррасии тарафҳо қарор доранд.
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Пагоҳ дар Агентии омор, Бонки миллӣ, Палатаи ҳисоб ва Хадамоти гумрук нишасти матбуотӣ баргузор мегардад
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
Дар Суғд барои дарёфти Ҷоизаи журналистони вилоят ба номи Ҳоҷӣ Содиқ озмун гузаронида мешавад
ҲИСОББАРОБАРКУНИИ ҒАЙРИНАҚДӢ. 64 фоизи аҳолии калонсоли ноҳияи Шаҳринав дорандаи корти бонкӣ мебошанд
