Таҷлили Наврӯзи ҷаҳонӣ дар Хуҷанд

Март 23, 2016 08:12

Хуҷанд. 23.03.2016. (АМИТ “Ховар”). 21 март дар маркази вилояти Суғд дар шаҳри Хуҷанд Наврӯзи ҷаҳониро бо як шукӯҳи хосса таҷлил намуданд. Соли равон чорабинии асосии шаҳрӣ назди театри мазҳакавию мусиқии ба номи Камоли Хуҷандӣ доир гардид. Аз субҳи барвақт баҳри таҷлили Наврӯзи аҷам сокинону меҳмонони зиёде ҷамъ омада буданд.
Раиси шаҳри Хуҷанд Раҷаббой Аҳмадзода бо меҳмонон аз шаҳрҳои Могилеви Ҷумҳурии Белорус, Уралски ФР ва дигарон аз хаймаю гӯшаҳои идонаи наврӯзии корхонаю муассисаҳо ва таълимгоҳҳои олию миёнаи махсус дидан намуд. Раиси шаҳр ва меҳмонон ба маҳсули меҳнати эҷодкорон ва растаҳои ҳунарҳои мардумии маҳаллаҳои шаҳри Хуҷанд, муассисаҳои таълимии эҷодӣ таваҷҷуҳ зоҳир намуданд.
Дар намоиш ҳунарҳои миллии сокинони 22 маҳаллаҳои шаҳри Хуҷанд, ҳунарҳое, ки замоне ба гӯшаи фармӯшӣ рафта буданд ба маъраз гузошта шуда буд.
Раиси шаҳри Хуҷанд Раҷаббой Аҳмадзода тамоми иштирокдорон ва меҳмонони чорабиниҳои наврӯзии маркази вилоятро бо ин танатанаҳои бошукӯҳ табрик намуда, баён дошт, ки маҳз бо кӯшиши пайваста ва иқдоми ватанпарваронаи Президенти Ҷумҳурии Тоҷикистон, мӯҳтарам Эмомалӣ Раҳмон Иди Наврӯз мақоми байналмилалӣ пайдо карда, соли 2010 бо қатъномаи Иҷлосияи 64-уми Маҷмаи Умумии Созмони Милали Муттаҳид чун иди арзишманд ва мероси тамаддуни башарӣ эълон гардид.

Март 23, 2016 08:12

Хабарҳои дигари ин бахш

АЗ ДИРАФШИ КОВИЁНӢ ТО ПАРЧАМИ ДАВЛАТӢ. Мулоҳизаҳо доир ба оини парчамдории тоҷикон дар масири таърих
Имрӯз дар водиҳои Тоҷикистон хаво 24 дараҷа гарм мешавад
Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
Имрӯз дар водиҳои Тоҷикистон ҳаво то 18 дараҷа гарм мешавад
Имрӯз дар ноҳияҳои кӯҳии Тоҷикистон ҳаво то 12 дараҷа гарм мешавад
МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад