Як зиндони толибон дар Ҳилманд тасарруф гардид
Душанбе, 23.03.2016. (АМИТ «Ховар»). — Неруҳои Артиши миллии Афғонистон дар ҷараёни амалиёти низомӣ як зиндони марбут ба гуруҳи террористии Толибонро дар вилояти Ҳилманд тасарруф карданд.
Бино ба иттилои вазорати мудофиаи Афғонистон, ин амалиёт шаби душанбе дар минтақаи Наҳри-Сироҷи Ҳилманд, ки он ҷо Толибон зиндони махсус ташкил кардаанд, роҳандозӣ шуд. Дар натиҷаи ин амалиёт 7-нафар аъзои гурӯҳи Толибон бо шумули 7-нафаре, ки худро дар амалиётҳои террористӣ бояд инфиҷор медоданд, ба қатл расиданд. 16-нафари дигар, ки тавассути Толибон дар зиндон нигаҳдорӣ мешуданд, озод гардиданд.
Вазорати мудофиаи Афғонистон дар мавриди шахсияти зиндониён то ҳол иттилоъ пахш накардааст. Ҳамчунин дар натиҷаи амалиёти мазкур ба неруҳои Артиши миллӣ муяссар гардидааст, ки миқдори зиёди таҷҳизоти низомии террористонро ба даст оранд.
Гуфта мешавад дар ин амалиёт аз неруҳои Артиши миллии Афғонистон касе осеб надидааст.
Имрӯз дар Тоҷикистон ҳавои бебориш дар назар аст
Тоҷикистон ва Кувайт ҳамкориро дар арсаҳои фанновариҳои иттилоотӣ ва фарҳанг баррасӣ намуданд
Маҷлиси намояндагон ду созишномаи ҳамкории Тоҷикистонро бо Фонди авруосиёии субот ва рушд тасдиқ намуд
Дар Душанбе доир ба Шабакаи иқлимии TajCN ҳамоиш баргузор гардид
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
