Рушди илмҳои иқтисодии ватанӣ бахшида ба ҷашни 25-солагии Истиқлолияти давлатӣ

Душанбе, 29.04.2016 / АМИТ «Ховар» /. 29-уми апрели соли равон дар ш. Душанбе, дар толори  Шўрои олимони Институти иқтисодиёт ва демографияи Академияи илмҳои Ҷумҳурии Тоҷикистон бо ташаббуси Институти мазкур оид ба мавзўи Рушди илмҳои иқтисодии ватанӣ бахшида ба ҷашни  25-солагии Истиқлолияти давлатӣ ва 65-солагии таъсисёбии Институти иқтисодиёт ва демографияи АИ Ҷумҳурии Тоҷикистон конфронси илмӣ баргузор гардид.
Дар барномаи пленарии конфронс   директори Институти иқтисодиёт ва демографияи АИ ҶТ, профессор Лутфулло Саидмуродов зимни  маърўза зикр кард, ки бо дастгирии мақомоти ҳукуматӣ ва роҳбарияти Академияи илмҳои АИ ҶТ олимони соҳаи иқтисод ба муваффақиятҳои назаррас ноил шуданд.
Дар идомаи қисми пленарии Конфронси илмӣ олимони собиқадору маъруфи соҳаи иқтисодиёти ҷумҳурӣ олимону  академикон  маърўзаҳои илмии худро манзури иштирокдорони Конфронс намуданд.
Конфронс кори худро дар нимаи дуюми рўз дар бахшҳои илмӣ идома дод.
Ҳамин тавр, иштирокдорони конфронс аз ҷумлаи олимони собиқадору олимони ҷавон, мудирони кафедраҳои назарияи иқтисодии донишкада ва донишгоҳҳои ҷумҳурӣ, дар маҷмўъ дар ҳудуди зиёда аз 100 нафар,ба иштирокккунандагон дар масъалаҳои рушди илми ватанӣ дар 25 соли Истиқлолияти давлатии ҶТ ва 65-солагии таъсиси Институти иқтисодиёт ва демографияи АИ ҶТ маърўзаҳои илмии пурмуҳтаво ва илман асоснок манзур намуданд.