Ташкилотҳои адвокатӣ боҷи давлатӣ месупоранд
Душанбе, 7.04.2016. /АМИТ «Ховар»/. Минбаъд дар Тоҷикистон барои бақайдгирӣ, азнавбақайдгирӣ, барҳамдиҳии ташкилотҳои адвокатӣ, инчунин ворид намудан ба феҳрист ва гирифтани иқтибос аз феҳристи махсуси адвокатҳои кишварҳои хориҷӣ, гирифтани иқтибос аз феҳристи ягонаи адвокатӣ ва аз феҳристи ягонаи ташкилотҳои адвокатӣ маблағи боҷӣ давлатӣ рӯёнида мешавад.
Дар ин росто вакилони палатаи поёнии Парлумони Тоҷикистон пешниҳоди Ҳукумати Ҷумҳурии Тоҷикистон дар мавриди ворид намудани тағйиру иловаҳо ба лоиҳаи Қонуни Ҷумҳурии Тоҷикистон «Дар бораи боҷи давлатӣ»-ро қабул карданд.
Рустам Шоҳмурод Вазири адлияи кишвар зарурати ворид намудани тағйирот ба лоиҳаи қонун «Дар бораи боҷи давлатӣ»-ро шарҳ дода гуфт, ки ин тағйирот бо мақсади мутобиқ намудани меъёрҳои он ба Қонуни Ҷумҳурии Тоҷикистон «Дар бораи адвокатура ва фаъолияти адвокатӣ» ворид карда шудааст.
Мутобиқи моддаи 17-и қонуни мазкур тартиби пешбурди феҳристи ягонаи адвокатҳо, ташкилотҳои адвокатии Ҷумҳурии Тоҷикистон ва феҳристи махсуси адвокатҳои кишварҳои хориҷӣ, мутаносибан маҷмӯи маълумот дар бораи адвокатҳо, ташкилотҳои адвокатии Ҷумҳури Тоҷикистон ва адвокатҳои давлатҳои хориҷиро, ки дар Ҷумҳурии Тоҷикистон фаъолияти адвокатиро амалӣ менамоянд, Ҳукумати Ҷумҳурии Тоҷикистон муқаррар менамояд.








Дар Ваҳдат Фестивали намоиш – фурӯши чорвои зотӣ баргузор гардид
Дар Душанбе ҳамоиши ҷавонони соҳаи геология баргузор гардид
Имрӯз дар ноҳияҳои алоҳидаи кӯҳии Тоҷикистон борон ва барф меборад
МегаФон Тоҷикистон: МегаҚувва гигабайтҳоро дучанд менамояд
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд






