Таъсири интиқоли маблағи муҳоҷирони тоҷик дар беҳтар намудани сиёсати идораи ҷангал
Душанбе, 21.04.2016. /АМИТ «Ховар»/. Муҳоҷирати меҳнатӣ паҳлўҳои гуногун дошта, ниёз ба омўзиш ва таҳқиқоти бештар дорад. Ин нуктаро сардори Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Тоҳир Каримзода зимни мулоқот бо намояндагони Лоиҳаи «Маркази тадқиқоти байналмилалии ҷангал (CIFOR)» Мартиус Кристофер, Падош Кристиан Анна ва Ҷоуди Ниедерҳаузер иброз дошт.
Сардори Хадамот Тоҳир Каримзода оид ба қонунгузориҳои нави Федератсияи Русия, раванди муҳоҷирати меҳнатӣ, вазъият ва дурнамои муҳоҷират, касбомўзии муҳоҷирон, донистани забонҳои хориҷӣ, аз ҷумла забони русӣ, риояи қоидаҳои будубоши кишвари қабулкунанда сухан гуфт.
Мартиус Кристофер иброз намуд, ки ҳадаф аз сафари мазкур шиносоӣ ва муҳокимаи масъалаи таъсири интиқоли маблағи муҳоҷирони тоҷик ба беҳтар намудани сиёсати идораи ҷангал бо намояндагони масъули Агентии хоҷагии ҷангал ва Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон мебошад.
Бояд гуфт, ки дар ин мулоқот намояндагони Лоиҳаи (CIFOR)-ро коршиносони Барномаи GIZ ҳамроҳӣ намуданд.
Дар фарҷоми мулоқот тарафҳо омодагии худро барои тақвият ва густариши ҳамкории минбаъда баён доштанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
