Ҳамоиши ҷавонон ба хотири истиқболи ҳамаҷониба аз раъйпурсӣ дар Хоруғ

Хоруғ, 17.05.2016 /АМИТ «Ховар»/. Дар майдони Исмоили Сомонӣ бо ширкати беш аз ҳазор нафар ҷавонони шаҳри Хоруғ ҳамоиш баргузор шуд.
Сардори бахши вилоятии кумитаи ҷавонон, варзиш ва сайёхӣ Расо Раҷабов гуфт, ки аз рӯзҳои нахусти эълони раъйпурсӣ мо як гурӯҳи махсусро аз ҳисоби ҷавонони таҳсилдида, сиёсатшиносу ҳуқуқдон таъсис дода, онҳоро ба шаҳру ноҳияҳо фиристодем. Имрӯз дар ин майдон ҳамоиш баргузор кардем, то ҳарчӣ бештар шаҳрвандон, бахусус ҷавононе, ки бори аввал овоз медиҳанд, бо шароити раъйпурсӣ ошно шаванд ва ба онҳо варақаҳои таблиғотӣ оид ба санаи баргузорӣ ва тарзи овоздиҳӣ тақдим мекунем.
Дар ҳудуди вилоят 8 комиссияи ҳавзавии раъйдиҳӣ ва 276 участкаи интихоботӣ мавҷуд аст, ки аллакай ба қабули овоздиҳандагон ба таври комил омода ҳастанд.