Ҷангиёни «Ҷабҳат ан-Нусра» фурудгоҳи шаҳри Ҳалабро гулӯлаборон карданд

Душанбе, 27.05.2016 / АМИТ «Ховар» /. Гурӯҳи  террористии «Ҷабҳат ан-Нусра» кӯшиш дорад оташбас дар Сурияро вайрон кунад. Дар давоми  як рӯз фурудгоҳи шаҳри Ҳалаб, нуқтаҳои аҳолинишин дар якчанд музофотҳо мавриди тирборонӣ қарор гирифтанд,- хабар медиҳад  «Интерфакс» бо такя ба маълумоти  Вазорати мудофиаи Федератсияи Русия,
«Гурӯҳи байналмилалии террористии «Ҷабҳат ан-Насра»    амалҳои иғвогаронаро, ки ба  хароб намудани низоми қатъи амалиёти ҷангӣ равона шудаанд,  идома медиҳад», — гуфта мешавад дар як баёния.
Дар вилояти Идлиб  ҷангиёни  «Ҷабҳат ан-Нусра»  шаҳраки  Фуаа, дар музофоти Ҳома- нуқтаҳои аҳолинишини Аз-Зака ва Ҷуббайн, дар музофоти Латакия нуқтаҳои аҳолинишини Ард ал- Вата и Ҳакур-Таҳтаниро  мавриди гулӯлуборон  қарор доданд.
Дар  шаҳри Палмира неруҳои ҳукуматӣ ба танг намудани мавқеъҳои ишғолкардаи гурӯҳҳои террористии ДИ  идома  медиҳанд.