Ба зарардидагони сел қитъаҳои замин барои хона ҷудо шуданд

Дарвоз, 17.05.2016 /АМИТ»Ховар»/. Ба се оила аз деҳаи Зингҷамоати Қалъаи хум, ки бар асари ҷорӣ шудани сел манзилҳояшон комилан хароб гардиданд, дар деҳаи ҳамсояи Умараки ин ҷамоат барои бунёди хона қитъаи замин ҷудо намуданд. Мақомоти иҷроияи ҳокимияти давлатии ноҳия ба ин оилаҳо 3 тонна семент, маводи ғизоӣ, бо шумули орду равған, шакар ва асбоби рӯзгор кумак кард.
Гурӯҳе аз ҷавонони муқими пойтахти кишвар низ ба сокинони зарардида 2,5 ҳазор пули нақд, 20 халта орд ва либосворӣ интикол доданд.
Сардори бахши ноҳиявии ситоди фавқулодаи вилоят Шуҳрат Шоисматов гуфт, ки бо истифода аз техникаи пуриқтидор ҳоло поксозии маҳали офатрасида идома дорад. Роҳи тахрибшудаи мошингард дар мавзеи Гулдараи ҷамоати Нулванд барои мошинҳои боркаш низ боз шуд.