Дарёфт ва мусодираи зиёда аз 5 кило санги қиматбаҳои ёқут

Душанбе, 18.05.2016. /АМИТ Ховар/. 17 май  ҳангоми гузаронидани чорабиниҳои фаврию ҷустуҷӯӣ аз ҷониби кормандони милитсия дар мавзеи Чамантали ноҳияи Мурғоби  ВМКБ, марди 32-солаи сокини ноҳияи Мурғоб ҳамчун гумонбар дар муомилоти ғайриқонунии сангҳои қиматбаҳои табиӣ дастгир карда шуд.
Тавре ки аз Вазорати корҳои дохии ҶТ хабар доданд, дар вақти кофтукови шахсӣ аз номбурда 5 килою 480 грамм санги  қиматбаҳои  ёқут дарёфт ва мусодира карда шуд.
Аз рӯи ин ҳодиса парвандаи ҷиноятӣ оғоз гардида, тафтишот идома дорад.