Иштироки 50 % овоздиҳандагон дар участкаи раъйпурсии №33-и ноҳияи И.Сомонӣ

Душанбе, 22.05.2016 /АМИТ «Ховар»/. Имрӯз аз субҳи барвақт, дар пойтахти  кишвар баргузории раъйпурсии умумихалқӣ дар ҳамаи участкаҳои раъйдиҳӣ ҷараён дорад.
Дар участкаи раъйпурсии №33-и ноҳияи И.Сомонӣ, воқеъ дар Муассисаи таҳсилоти умумии №13 дар соати 11-30 — 1240 нафар аллакай овоз доданд.
Бино ба гуфтаи узви участкаи раъйдиҳии №33 Гулнора Раҳимова,  шумораи умумии раъйдиҳандагони ин участка 2627 нафар мебошад.
Аз ин шумора 1298 занон ва 1329 мардон мебошанд. Дар участкаи мо 20 нафар шахсони 18 сола ба қайд гирифта шудаанд, ки онҳо бори нахуст барои додани овози худ ба муассисаи мо меоянд. Инчунин дар участкаи мо як нафар иштирокчии Ҷанги дуюми ҷаҳон низ ба қайд гирифта шудааст. Барои нафароне, ки аз сабаби вазъи саломатӣ ба раъйпурсӣ омада наметавонанд, қуттиҳои сайёр омода гаштаанд, ки масъулон пас аз нисфирӯзӣ ба хонаи онҳо рафта, овози онҳоро низ хоҳанд гирифт,-илова намуд Гулнора Раҳимова.
Бино ба гуфтаи мусоҳиб дар участаи раъйдиҳии №33 халқиятҳои дигар низ номнавис шудаанд, ки аз онҳо 12 нафар русзабон ва 9 нафар узбекзабон мебошанд.
«Аз рӯйхати умумии сокинони маҳаллаҳои вобаста ба участкаи мо 96 нафар дар муҳоҷирати меҳнатӣ қарор доранд. Нафароне, ки берун аз ҷумҳурианд, дар нуқтаҳои омоданамудаи ҳамон кишвар овоз хоҳанд дод,-илова намуд Г.Раҳимова.