Мусобиқа ба хотири таҳкими неруи зеҳнии кӯдакону наврасон
Хоруғ, 17.05.2016 /АМИТ «Ховар»/. Дар боғи фарҳангию фароғатии шаҳри Хоруғи ВМКБ бо ширкати хонандагони макотиби таҳсилоти миёна ва донишҷӯёни ДДХ сабқат аз намуди шоҳмот доир гардид, ки мақсади он таҳкими неруи зеҳнии кӯдакону наврасон, ҷавонон ва аз корҳои зишту номуносиб дур кардани онҳо мебошад.
Сардори шуъбаи Вазорати корҳои дохилии шаҳр Қиёмиддин Баҳриддинзода зимни тақдими ҷоизаи асосӣ ва ифтихорномаву мукофотҳои хотиравӣ ба ғолибон изҳор намуд, ки пешрафт ва ояндаи дурахшони кишвари мо аз мутахассисони сатҳи олӣ, ҷавонони оқилу доно ва ватандӯсту ҷонфидои миллат вобаста аст.
Зикр шуд, ки ҷавонон ҳар қадар бештар ба омӯзиши илму дониш машғул гарданд ва ҷисму рӯҳи худро тақвият бахшанд, ҳамон қадар дар кору зиндагӣ бештар муваффақ мегарданд.
Вазорати корҳои дохилии ҷумҳурӣ барои амалӣ сохтани орзую омоли ҷавонон аз ҳама имконоти хеш истифода хоҳад кард.
Имрӯз дар якчанд кумитаю идора нишасти матбуотӣ баргузор мегардад
Имрӯз дар водиҳои Тоҷикистон ҳаво то 42 дараҷа гарм мешавад
НИШАСТИ МАТБУОТӢ. Дар ширкатҳои сохтмонии ҶСК Неругоҳи барқи обии «Роғун» 1120 нафар бо ҷойи кор таъмин гардиданд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Ба истироҳатгоҳи «Ҳамсафар» зиёда аз 300 кӯдак ҷалб мешавад
Имрӯз дар водиҳои Тоҷикистон ҳаво то 43 дараҷа гарм мешавад
ТАЪТИЛИ ТОБИСТОНА. Дар Китобхонаи миллии Тоҷикистон барои наврасону ҷавонон маҳфилҳои омӯзишӣ баргузор мешаванд
