«Устувории оила-рушди ҷомеа»-суҳбати созанда дар ДМИТ

Душанбе, 17.05.2016 /АМИТ «Ховар»/. 16 май бо ташаббуси кафедраи фанҳои гуманитарии Донишкадаи молия ва иқтисоди Тоҷикистон мизи мудаввар таҳти номи «Устувории оила-рушди ҷомеа» бахшида ба Рӯзи байналмилалии оила баргузор гардид.
Муаллими калони кафедраи фанҳои гуманитарӣ Арзигул Турсунова дар мавзӯи «Оила ва нақши ҷамъиятии он» гуфт, ки барои тарбияи ҷавонони муосир воситаҳои ахбори омма, аз ҷумла интернет таъсиррасон аст, зеро бархе аз ҷавонон аз сабаби ноогоҳию надоштани дониши кофӣ тавассути интернет фирефтаи гурӯҳҳои муайян гашта, ба гумроҳӣ мераванд ва даст ба амалҳои номатлуб мезананд.
Ҳамчунин зимни суҳбат донишҷӯёни курси 1 факултети муносибатҳои иқтисодии байналмилалӣ дар мавзӯи «ВАО ва таъсири тарбиявии он» ва «Тарбия дар оилаи муосир» маърӯза намуданд.