Иди саиди Фитр дар Тоҷикистон чоршанбе, 6 июл таҷлил мегардад

Июнь 29, 2016 10:59

Душанбе,  29.06. 2016 /АМИТ «Ховар»/. Рӯзи иди саиди Фитр ё худ Рамазон дар Тоҷикистон чоршанбе, 6 июли соли 2016-и  мелодӣ муайян гардид. Дар ин хусус имрӯз дар ҷаласае, ки дар Маркази исломии Тоҷикистон таҳти раёсати Сайидмукаррам Абдулқодирзода -раиси Шӯрои уламои кишвар доир шуд, қарори марбута қабул гардид. Зикр шуд, ки 6 июл  соати 6:30-и субҳ дар тамоми масҷидҳои ҷомеи кишвар намози иди Фитр барпо мегардад, ки аз анҷоми моҳи шарифи Рамазон ва оғози моҳи шаввол ба мусулмонон башорат медиҳад.
Дар ҷаласаи Шӯрои уламо, ки имомхатибони масҷидҳои ҷомеи кишвар, намояндагон ва масъулини дастгоҳи иҷроияи Президенти ҷумҳурӣ, Кумита оид ба корҳои дин иштирок доштанд, аз аъзои Шӯрои уламо ва рӯҳониён даъват шуд, ки  дар намози ҷумъа ба мардум доир ба фазилатҳои нек ва муқаддаси иди саиди Фитр мавъиза кунанд. Зикр шуд, ки баъди намози иди Фитр боздид аз оромгоҳҳо ва даст ба дуою фотиҳа бардоштан дар сари қабри гузаштагон, аёдати пиронсолон, волидайн, беморону барҷомондагон, ятимон ва дар маҷмӯъ, хайру эҳсон ба ин қишри ҷомеа аз рисолатҳои иди Фитр аст.
Ҳамзамон дар масъалаи роҳ надодан ба худнамоию исрофкорӣ ва зиёдаравиҳо дар рӯзи иди саиди Фитр дар мавриди густурдани хони идона сухан рафт. Таъкид шуд, ки дар ин масъала бояд намояндагони Шӯрои уламо ва рӯҳониёни кишвар ба мардум намунаи ибрат бошанд.
Бояд тазаккур дод, ки соли равон дар асоси тасмими Шӯрои уламои кишвар ҳаҷми садақаи Фитр 5 сомонӣ муайян шудааст. Инчунин  мувофиқи ҳисоби шаръӣ нисоби закот 17 ҳазору 400 сомонӣ муқаррар гардидааст,  ки  аз он 435 сомонӣ закот дода мешавад. Фидяи савм барои соҳибони узри шаръӣ (шайхи фонӣ) ба миқдори 600 сомонӣ барои 30 рӯз муайян карда шудааст.
Бояд тазаккур дод, ки моҳи шарифи Рамазон аз ҷумлаи моҳҳои солшумории ҳиҷрии қамарист ва дар тақвими исломӣ баъд аз моҳи шаъбон меояд. Рамазон моҳи муборак маҳсуб мешавад, зеро дар ин моҳи шариф Китоби осмонӣ -Қуръони азимушшаън аз ҷониби  Парвардигор нузул гардидааст. Рӯза доштан дар ин моҳ барои мусулмонон фарз буда, бо тоату ибодат ва қироати Қуръони маҷид мусулмонон қалбу руҳи худро аз ҳар гуна амалҳои зишту ғайришаръӣ пок месозанд.

Июнь 29, 2016 10:59

Хабарҳои дигари ин бахш

Тошканд пойтахти ҷавонони Иттиҳоди Давлатҳои Мустақил гардид
Таҷдиди неругоҳи «Қайроққум» бомаром идома дорад
Байни Донишгоҳи давлатии Кӯлоб ва панҷ донишгоҳи Узбекистон шартномаи ҳамкорӣ баста шуд
Оё Тоҷикистонро пешрафти рақамӣ интизор аст?
Дар шоҳроҳи Душанбе — Чанок теъдоди қуттиҳои махсус барои партов ба 70 адад расонида мешавад
Имрӯз дар Тоҷикистон ҳавои бебориш пешгӯӣ мешавад
Барои арзёбии таъсири эҳтимолии офатҳои табиӣ ба устувории қарзи Арманистон, Тоҷикистон ва Қирғизистон санади корӣ таҳия гардид
Бар асари обхезӣ дар Танзания 1000 нафар бе сарпаноҳ монд
Дар Амороти Муттаҳидаи Араб дар бораи миқдори зиёдтарини бориш дар 75 соли охир гузориш доданд
Имрӯз дар ноҳияҳои доманакӯҳ ва ағбаҳои Тоҷикистон туман мефарояд
Амири Кувайт сарвазири навро таъйин намуд
Дар Уммон бар асари обхезиҳо 15 нафар ба ҳалокат расид