Иштироки ҳайати Тоҷикистон дар кори Ассамблеяи генералии Кумитаи доимӣ оид ба ҳамкории илмию техникии СҲИ

Июнь 3, 2016 12:08

Душанбе, 03.06.2016 /АМИТ «Ховар»/. Дар таърихи 30 май ва 1-уми июни соли равон дар шаҳри Исломобод таҳти раёсати Президенти Ҷумҳурии Исломии Покистон Мамнун Ҳусайн 15-умин Ассамблеяи генералии Кумитаи доимӣ оид ба ҳамкории илмию техникии Созмони ҳамкории исломӣ (COMSTECH) баргузор гардид, ки ҳайати Ҷумҳурии Тоҷикистонро дар кори он вазири маориф ва илми Ҷумҳурии Тоҷикистон Нуриддин Саид роҳбарӣ намуд.
Нуриддин Саид дар Ассамблеяи генералии мазкур изҳор намуд, ки Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати рушди маориф ва илм диққати махсус дода, ба ин самтҳо  20 фоизи буҷети давлатӣ равона карда мешавад.
Вазир инчунин дар самъи иштироккунандагон оид ба муқаррароти қонунҳои Ҷумҳурии Тоҷикистон «Дар бораи фаъолияти илмӣ ва сиёсати давлатӣ оид ба илму техника», «Дар бораи фаъолияти инноватсионӣ»  «Дар бораи паркҳои технологӣ» маълумот дода, оид ба дастовардҳои илмии олимони Академияи илмҳои Ҷумҳурии Тоҷикистон, Академияи илмҳои кишоварзӣ, Академияи тиббӣ, Академияи таҳсилот ва даҳҳо пажўҳишгоҳҳои илмӣ-соҳавӣ сухан гуфт.
Хамчунин роҳбари ҳайати Тоҷикистон дар бораи саҳми фарзандони барўманди миллати тамаддунофари тоҷик, ба мисли Абўалӣ ибни Сино дар соҳаи тиб, Абўбакри Розӣ дар риштаи кимиё, Муҳаммад Хоразмӣ дар илми риёзӣ, Абўрайҳони Берунӣ дар самти нуҷум нақл намуд, ки онҳо дар хазинаи тиллоии илми инсоният хидматҳои бузург намудаанд.
Дар натиҷаи кори Ассамблеяи мазкур аъзои нави сохторҳои кории Ассамблеяи генералии Кумитаи доимӣ оид ба ҳамкории илмию техникии Созмони ҳамкории исломӣ (COMSTECH) интихоб гардида, санади хотимавии он қабул гардид, ки он дурнамо ва нақшаҳои ҳамкории илмию-техникии давлатҳои аъзоро дар ояндаи наздик пешбинӣ мекунад.

Июнь 3, 2016 12:08

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад