Навбатдории шабона дар масҷидҳо амали маъмулист, ки дар арафаи идҳо ба роҳ монда мешавад

Июнь 29, 2016 16:43

Душанбе, 29.06.2016/АМИТ «Ховар»/. Дар арафаи таҷлили Иди саиди Фитр дар масҷидҳои ҷомеи  кишвар мисли солҳои қаблӣ гурӯҳҳои навбатдори шабона, ки аз ҳисоби кормандони масҷидҳо  созмон дода шудаанд, фаъолият мекунанд. Масъалаи мазкур дар ҷаласаи Шӯрои уламои кишвар, ки имрӯз дар Душанбе таҳти раёсати Саидмукаррам Абдулқодирзода, раиси Шӯрои уламои ҷумҳурӣ доир гардид, баррасӣ шуд. Ин тадбир ба мисли солҳои пешин  бо мақсади таъмини омодагии масҷидҳо барои  адои намози Иди Фитр ва ҳамзамон амнияти намозгузорон  андешида мешавад.
Инчунин  дар  тамоми масҷидҳои  ҷомеъ ва панҷвақтаи кишвар камераҳои  назоратӣ насб карда шудаанд, ки онҳо ҳаракат ва гашту гузори атрофиёнро дар кӯча ва намозгузоронро дар дохили масҷидҳо назора менамоянд.
Ҳоҷинеъматулоҳ Олимов, котиби масъули  Маркази исломии Тоҷикистон мегӯяд, ки дар ҷаласа ҳамзамон расонидани  кумак ба ниёзмандону маъюбон, ҷилавгирӣ аз исрофкорӣ дар мавриди оростани хони идона ва дигар масъалаҳо баррасӣ шуда, раиси Шӯрои уламои кишвар аз имомхатибони масҷидҳои ҷомеи кишвар даъват намуд,  ки дар  намози ҷумъа зимни мавъизаҳои худ  ба мардум масъалаҳои матраҳгардидаро тавзеҳ диҳанд.
Бояд гуфт, ки  соли равон дар Тоҷикистон Иди саиди Фитр чоршанбе,  6 июл таҷлил карда мешавад.
Намози иди Фитр дар тамоми масҷидҳои ҷомеи кишвар соати 6:30 оғоз меёбад.

Июнь 29, 2016 16:43

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон ҳаво рӯзона аз 23 то 45 дараҷа гарм мешавад
ОБУ ҲАВО: Имрӯз дар шаҳри Душанбе ҳаво рӯзона 37+39 дараҷа гарм мешавад
Дар Гулистон барои раисони ҷамоатҳои як зумра шаҳру ноҳияҳои вилояти Суғд курси такмили ихтисос доир гардид
Варзишгари тоҷик Асламҷон Азизов медали нуқраи Чемпионати Осиё миёни ҷавононро ба даст овард
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҚУРБИ АСЪОР: 1 доллари ИМА аз 10.5633 то 10.0000 сомонӣ муқаррар шудааст
Кишоварзони Турсунзода дар майдони 4500 гектар шолӣ кишт менамоянд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳида Тоҷикистон борони кӯтоҳмуддат меборад
Дар Душанбе ғолибони Мусобиқаи байналмилалӣ оид ба волейбол миёни ҷавонони то 23-сола муайян шуданд