Пӯшидани либоси рахдор дар бозии футбол манъ аст

Душанбе, 03.06.2016 /АМИТ «Ховар»/.Премйер-лигаи Англия истифодаи  либоси аз тахтапушт рахдорро, ки ному насаб ва рақами бозингар дар он навишта шудааст,  ҳангоми бозиҳои Премйер-лига манъ кард.
Тавре нашрияи «Footyheadlines» хабар медиҳад, тибқи қоидаи Иттиҳоди футболи Аврупо пӯшидани чунин либосҳои рахдор дар мусобиқот манъ шуда буд ва акнун он дар Премйер-лигаи Англия низ ҷорӣ мешавад. Сабаби асосии ба ин масъала рӯй овардани дастандаркорони Премйер- лига аз он хотир аст, ки доварон ва мухлисон тавонанд аз масофаи дур футболбозонро муайян кунанд, ки ӯ кист. Ин барои шореҳони варзиш низ муфид аст.
Ба ҳамин тартиб, аз рӯи қоидаи нав як қатор клубҳои футболи Англия, аз ҷумла «Сандерленд», «Саутгемптон», «Халл Сити», «Борнмут» ва «Вест Бромвич» маҷбуранд, ки либосҳои худро ба қоидаи нав мутобиқ гардонанд.