Савноб бо барқи доимӣ таъмин мешавад

Июнь 18, 2016 08:45

Душанбе, 18.06.2016 /АМИТ «Ховар»/. Масъалаи таъмини аҳолии  Бартанги боло бо неруи барқ яке аз ҳадафҳои Ҳукумати Ҷумҳурии Тоҷикистон мебошад. Ба ин хотир бинои неругоҳи хурди барқи обии деҳаи Савноб аз ҷониби Ширкати барқии  «Помирэнерҷӣ» аз нав сохта шуд. Ҳамчунин аз Ҷумҳурии  Мардумии Чин генератори нави 100 кВт оварда, насб  кардаанд.
Ба иттилои корманди Ширкати барқи «Помирэнерҷӣ» Амирхон Раҳимов, онҳо тасмим гирифтаанд, ки симчӯб ва ноқилҳои барқиро аз нав кашида, дар хонаҳои шаҳрвандон ҳисобкунакҳои барқӣ насб намоянд. Бо насби таҷҳизоти нав неругоҳ дар фаслҳои зимистону тобистон, новобаста аз кам шудани оби чашмаи Савноб, 100 кВт қувваи барқ истеҳсол менамояд. Алҳол сохтмончиён кӯшиш доранд, ки дар рӯзи ҷашни Ваҳдати миллӣ неруи барқро ба деҳаи Савноб интиқол диҳанд.
Неругоҳи дигар бо иқтидори 120 кВт дар деҳаи Пасори деҳоти «Савноб» сохта мешавад ва сохтмони онро МСДСП-и Хазинаи Оғохон маблағгузорӣ мекунад. Алҳол аз Ҷумҳурии Мардумии Чин ба маблағи 43 ҳазор доллари амрикоӣ генератор харида овардаанд. Барои сохтмони бино таъмири канал ва қубурҳои обгузари неругоҳ 242 ҳазор сомонӣ сарф гардидааст.
Неругоҳ дар рӯзи таҷлили ҷашни Ваҳдати миллӣ ба кор андохта мешавад. Баробари ба кор даромадани неругоҳ деҳаҳои Пасор, Бопасор ва Ғудараи деҳоти «Савноб» пурра бо барқ таъмин хоҳанд шуд.

Июнь 18, 2016 08:45

Хабарҳои дигари ин бахш

ОБУ ҲАВО: Имрӯз дар Тоҷикистон ҳавои камабри бебориш дар назар аст
ОБУ ҲАВО: Имрӯз дар Тоҷикистон ҳаво рӯзона аз 23 то 45 дараҷа гарм мешавад
ОБУ ҲАВО: Имрӯз дар шаҳри Душанбе ҳаво рӯзона 37+39 дараҷа гарм мешавад
Дар Гулистон барои раисони ҷамоатҳои як зумра шаҳру ноҳияҳои вилояти Суғд курси такмили ихтисос доир гардид
Варзишгари тоҷик Асламҷон Азизов медали нуқраи Чемпионати Осиё миёни ҷавононро ба даст овард
ОБУ ҲАВО: Имрӯз дар Тоҷикистон ҳаво тағйирёбандаи бебориш мешавад
ОБУ ҲАВО: Имрӯз дар Тоҷикистон ҳавои камабри бебориш дар назар аст
ҚУРБИ АСЪОР: 1 доллари ИМА аз 10.5633 то 10.0000 сомонӣ муқаррар шудааст
Кишоварзони Турсунзода дар майдони 4500 гектар шолӣ кишт менамоянд
ОБУ ҲАВО: Имрӯз дар Тоҷикистон ҳавои тағйирёбандаи бебориш дар назар аст
ОБУ ҲАВО: Имрӯз дар ноҳияҳои алоҳида Тоҷикистон борони кӯтоҳмуддат меборад
Дар Душанбе ғолибони Мусобиқаи байналмилалӣ оид ба волейбол миёни ҷавонони то 23-сола муайян шуданд