Се китоби Н. Шоҳиён аз ҷониби олимони Тоҷикистон, Русия, Қазоқистон ва Украина баҳои баланд гирифт

Душанбе, 18.06.16./АМИТ «Ховар»/.  Се  китоби олими тоҷик, ректори Донишгоҳи технологии Тоҷикистон, доктори илмҳои педагогӣ, профессор Нуралӣ Шоҳиён дар Тоҷикистон, Олмон ва Украина  нашр шуданд.
«Воспитательно-образовательные  технологии в конкурентной среде ВУЗа» — монографияи профессор аст, ки бо забонҳои русӣ ва олмонӣ дар нашриёти академии LAP (LAMBERT Academic Publishing) мунташир гардидааст. Дар монографияи мазкур масъалаҳои технологияи тарбиявӣ-таълимӣ ва моделҳои таълими инноватсионӣ дар макотиби олӣ баррасӣ шудаанд.
«Основы современной педагогики»- китоби дигар аст, ки дар Украина ба нашр расид. Дар монографияи мазкур, масъалаи таъсири илмҳои гуногун (фалсафа, фарҳангшиносӣ, кибернетика, психология) ба объекти донишҳои педагогӣ матраҳ шуда, маълумоти ҷолибу арзишманди амалиявӣ дорад. «Конкурентология и саморазвитие личности» дар Тоҷикистон нашр шудааст. Дар китоби мазкур масъалаҳои рақобат ва ҷанбаҳои тарбияи кадрҳои насли нав дар замони рушди инноватсионӣ баррасӣ шудаанд. Ҳар се китоб аз ҷониби олимони шинохтаи соҳаи педогогикаи Русия, Қазоқистон, Украина ва Тоҷикистон баҳои баланд гирифтаанд.