Татбиқи масъалаҳои муосири математика дар филиали ДДМ дар шаҳри Душанбе

Душанбе, 3.06.2016 /АМИТ «Ховар»/. Бахшида ба 25-солагии Истиқлолияти давлатии Ҷумҳурии Тоҷикистон имрӯз дар филиали Донишгоҳи давлатии Маскав ба номи М. В. Ломоносов дар шаҳри Душанбе конфронси илмии байналмилалӣ таҳти унвони «Масъалаҳои муосири математика ва татбиқи онҳо» баргузор гардид.
Дар конфронси мазкур олимони соҳаи математика аз донишгоҳу донишкадаҳои  ҷумҳурӣ ва инчунин аз Донишгоҳи давлатии Маскав ба номи М. В. Ломоносов иштирок  намуда, доир ба масъалаҳои имрӯзаи математика маърӯза намуданд.
Ба иттилои ноиби директори иҷроия оид ба илм, тарбия ва масъалаҳои иҷтимоии филиали Донишгоҳи давлатии Маскав ба номи М. В. Ломоносов дар шаҳри Душанбе Холиқназар Кучакшоев, мақсад аз баргузории конфронси мазкур  огоҳонидани ҷавонону донишҷӯён аз дастовардҳои олимони Тоҷикистону Русия дар соҳаи математика мебошад.