Хонандагони тоҷик дар олимпиадаи ҷаҳонӣ дар шаҳри Сюрих сазовори ҷои сеюм гардиданд

Июль 19, 2016 10:26

Душанбе, 19.07.2016. /АМИТ «Ховар»/. Аз 11 то 17 июли соли  равон дар шаҳри Сюрихи  Шветсария Олимпиадаи ҷаҳонӣ аз фанни физика дар байни 87 давлати дунё баргузор шуд, ки дар он дастаи мунтахаби Ҷумҳурии Тоҷикистон ширкат варзиданд.
Тавре аз Вазорати маориф ва илми кишвар хабар доданд,  Ҷумҳурии Тоҷикистонро 5 нафар хонандагони муассисаҳои таълимии кишвар Мурод Мирҷалилов, Зикруллоҳ Хужақулов, Алишер Абдураҳмонов, Темурҷонов Азимҷон ва Ҷобири Қурбоналӣ муаррифӣ намуданд.
Дар ҷамъбасти олимпиадаи мазкур хонандагони муассисаҳои таълимии Ҷумҳурии Тоҷикистон Азимҷон Темурҷонов ва Мурод Мирҷалилов сазовори ҷойи сеюм гардида, шараф ва парчами Тоҷикистони азизамонро баланд бардоштанд. Иштироки мунтазам ва дастовардҳои назарраси хонандагон дар олимпиадаҳои байналмилалӣ ба онҳо имкон дод, ки дар олимпиадаи ҷаҳонӣ ширкати фаъолона намуда, ғолибиятро ба даст оранд.
Бояд гуфт, ки даври интихобии олимпиадаи мазкурро Маркази ҷумҳуриявии дарёфт ва рушди истеъдодҳо дар шаҳри Душанбе марҳила ба марҳила баргузор намуда, аз байни зиёда аз 150 нафар хонандагони беҳтарини муассисаҳои таълимии ҷумҳурӣ ба бартарияти холҳои бадастовардашуда аз фанни физика 1 даста муайян карда шуд.
Аз аввали соли 2016 инҷониб хонандагони муассисаҳои таълимии кишвар дар олимпиадаҳои байналмилалӣ, ки дар Ҷумҳурии Қазоқистон, Ҳолланд, Гурҷистон, Руминия,  Гонконг, Иёлоти Муттаҳидаи Амрико, Федератсияи Русия ва Шветсария баргузор шудаанд, сазовори 108 медал, 19 ҷойи якум, 32 ҷойи дуюм ва 57 ҷойи сеюм гардиданд.

Июль 19, 2016 10:26

Хабарҳои дигари ин бахш

Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд
Ба кишоварзони ноҳияи Деваштич барои парвариши картошка ва тухмиҳои хушсифат тавсияҳо дода шуд
Дар ноҳияи Спитамени вилояти Суғд кишти чигит оғоз ёфт