Мусобиқаи кушоди гӯштини миллӣ дар байни наврасон

Душанбе, 01.07.2016 /АМИТ «Ховар»/.    Бахши  ҷавонон, варзиш ва сайёҳии шаҳри Қӯрғонтеппа дар доираи нақшаи чорабиниҳо бахшида ба «Рӯзи байналмиллалии мубориза алайҳи нашъамандӣ» мусобиқаи кушоди гуштини миллиро баргузор намуд.
Тавре, ки аз шуъбаи иттилоотию таҳлилии дастгоҳи раиси вилояти Хатлон хабар доданд, мусобиқаи мазкур  байни наврасони солҳои таваллуди 2000-2002 гузаронида шуд.
Бино ба маълумоти манбаъ, дар мусобиқа зиёда аз 72 нафар варзишгарон аз шаҳру ноҳияҳои вилоят иштирок намуда бо ҳам қувваозмоӣ намуданд. Ғолибон ва иштирокчиёни фаъоли мусобиқа бо диплом ва туҳфаҳои хотиравии Кумитаи тадорукот қадрдонӣ карда шуданд.