Рафтори 9 нафар судяҳо шаъну эътибори судяро паст мезанад

Душанбе, 18.07.16. /АМИТ «Ховар»/. «Барои роҳ додан ба камбудиҳо дар фаъолити корӣ амали 40 нафар судяҳо мавриди муҳокима қарор дода шуда, бинобар содир намудани рафторе, ки шаъну эътибори судяро паст мезанад , нисбат ба 9 нафари онҳо муҷозоти интизомӣ татбиқ карда шудааст»,-гуфт раиси Суди Олии Тоҷикистон Шермуҳаммад Шоҳиён зимни нишасти  хабарӣ дар ҳузури хабарнигорони ватаниву хориҷӣ.
Зикр гардид, ки дар нимсолаи аввали соли равон судҳои ҷумҳурӣ 74 ҳазору 270 парвандаҳои гуногунро баррасӣ намуданд, ки нисбат ба ҳамин давраи соли гузашта 7 ҳазору 729 адад зиёд мебошад.
Оид ба татбиқи Қонуни ҶТ «Дар бораи танзими анъана ва ҷашну маросимҳои миллӣ дар Ҷумҳурии Тоҷикистон» ба судҳо 301 парвандаи ҳуқуқвайронкунии маъмурӣ ворид шуда, нисбат ба 292 нафар ба маблағи 880 ҳазору 40 сомонӣ ҷарима татбиқ карда шудааст.