Дар ноҳияи Б. Ғафуров ба истиқболи 25-умин солгарди Истиқлолият 25 иншоот бунёд ва навсозӣ мешавад

Душанбе, 05.08.2016. /АМИТ «Ховар»/. Ба истиқболи 25-умин солгарди Истиқлолияти давлатии Ҷумҳурии Тоҷикистон дар ноҳияи Бобоҷон Ғафуров 25 иншооти маъмурӣ, истеҳсолӣ, кору хизматрасонӣ ва фарҳангию фароғатӣ бунёду навсозӣ мегардад.
Бино ба иттилои масъулини Мақомоти иҷроияи ҳокимияти давлатии ноҳия, дар айни ҳол корҳои сохтмонӣ дар ин иншоотҳо идома дошта, то имрӯз қисми аз онҳо ба истифода дода шудаанд.
Мавриди истифода қарор гирифтани биною коргоҳҳои нав аз як тараф ба ҳусни шаҳраку деҳот симои тоза бахшад, аз тарафи дигар ҷойҳои нави корӣ ба вуҷуд оварда, шаҳрвандони бешуғл ба кор фаро гирифта мешаванд.