Абдураҳмон Қодирӣ ба Ричард Ҷонс доир ба шаҳраки замонавии Сайҳун иттилоъ дод
Душанбе, 07.10.2016. /АМИТ «Ховар»/. Раиси вилояти Суғд Абдураҳмон Қодирӣ имрӯз, 7 октябр намояндаи Бонки аврупоии таҷдид ва рушд дар Ҷумҳурии Тоҷикистон Ричард Ҷонсро ба ҳузур пазируфт. Зимни мулоқот ҷонибҳо аз ҳамкории мутақобилан судманд изҳори қаноатмандӣ намуданд. Раиси вилояти Суғд Абдураҳмон Қодирӣ ба намояндаи Бонки аврупоии таҷдид ва рушд дар ҶумҳурииТоҷикистон барои саҳмгузорӣ дар амалӣ гардидани нақшаву иқдомоти наҷиби Ҳукумати Ҷумҳурии Тоҷикистон дар бахшҳои мухталиф изҳори миннатдорӣ кард. Аз тарафи роҳбарияти вилоят масъалаи сохтани корхонаи коркарди партов дар минтақа ба миён гузошта шуд. Тавре зикр гардид, шаҳри Хуҷанд дорои аҳолии зиёд буда, дар сурати бунёди чунин корхона партовҳои ин шаҳр ва навоҳии атрофи он коркард карда мешаванд.
Дар мулоқот масъалаи таъмини аҳолии маҳаллаҳои нави шаҳри Хуҷанд бо оби хушсифати нӯшокӣ мавриди таваҷҷуҳ қарор гирифт. Абдураҳмон Қодирӣ дар идомаи суҳбат ба намояндаи Бонки аврупоии таҷдид ва рушд доир ба шаҳраки наву замонавии Сайҳун иттилоъ дода, таъкид намуд, ки ин идораи молиявии ҷаҳонӣ метавонад барои кашидани хатти оби нӯшокӣ ва хатти ташноб миёни маҳаллаҳои шаҳрак мусоидат намояд. Гуфта шуд, ки аз ҷониби мақомоти иҷроияи ҳокимияти давлатии вилояти Суғд аллакай дар шаҳраки Сайҳун оби полезиву нӯшокӣ бароварда шуда, роҳҳо бунёд ва хатти барқ низ кашида шудааст.
Намояндаи Бонки аврупоии таҷдид ва рушд дар Ҷумҳурии Тоҷикистон Ричард Ҷонс аз амалӣ гардидани якчанд лоиҳаҳои сармоягузорӣ дар вилояти Суғд изҳори қаноатмандӣ намуда, дар оянда барои рушди ҳамкорӣ ва татбиқи лоиҳаҳои бузурги сармоягузорӣ дар ин минтақа омодагии худро баён дошт.
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
ҶАМЪБАСТИ НИШАСТҲОИ МАТБУОТӢ. 14 август дар Филиали Донишкадаи энергетикаи Москва дар шаҳри Душанбе нишасти матбуотӣ доир мегардад
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
Бонки миллии Тоҷикистон аз паҳн гардидани боз як навъи қаллобӣ ҳушдор медиҳад
Дар Бохтар оид ба кам кардани талафоти неруи барқ ҷаласа доир гардид
Ҷалби сармояи Чин ба соҳаҳои афзалиятноки иқтисоди Тоҷикистон баррасӣ гардид
Имрӯз дар шаҳри Душанбе ҳаво то 40 дараҷа гарм мешавад
