«Чаманистон»-и Хиромон Неъматзода тарғибгари сулҳу дӯстист

Октябрь 12, 2016 17:19

14211988_1191542377583188_6505236656746524464_nДушанбе, 12.10.2016 /АМИТ «Ховар»/. Маҷмӯаи «Чаманистон»- и шоира Хиромон Неъматзода бо дастгирии Созмони байналмилалии бунёди сулҳи ҷаҳон ва ҳимояи ҳуқуқи башар бо теъдоди 1000 нусха бо хатти форсӣ аз чоп баромад.
Тавре Хиромон Неъматзода иброз дошт, маҷмӯаи мазкур дар Тоҷикистон 2 маротиба аз ҷониби нашриёти «Андеша» ва «Адабиёти бачагона» бо теъдоди 500 нусхагӣ рӯи чоп омада буд.
«Дар «Чаманистон» сухан дар бораи 50 намуди гул, зебоӣ ва накҳати он меравад, зеро миллати тоҷик ҳамчун мардуми тамаддунофар истифодаи гулҳоро чун растании ороишӣ ба дигар халқҳо омӯхтааст»,- гуфт Хиромон Неъматзода ва илова намуд, ки «дар ҷое, ки гул, зебоӣ, сабзу хуррамӣ ва шукуфоӣ аст, он ҷо сулҳ пойдор мебошад. Чунки накҳати гул асабро ором намуда, одамонро ба дӯстӣ ва сулҳ даъват менамояд».
«Чаманистон» барои тарғиби сулҳ ва пойдор мондани он мусоидат намуда, аз 4 боб- «Қиссаи малика Меҳрофарин ва мулки Меҳробод», «Расидани гулҳое, ки бо ҳам баҳс ва гуфтугӯ мекарданд», «Расидани гулҳое, ки бо одамон ва байни якдигар рози дил мекарданд» ва «Хотимаи қиссаи малика Меҳрофарин ва Меҳрон» иборат аст ва дар он шоира зебоӣ ва таровати гулҳои рангинро ба риштаи назм кашидааст.
Маҷмӯаи мазкур дар пайравии «Баҳориёт»-и Сайидои Насафӣ навишта шуда, хонандаро зимни мутолиа ба сайри олами рангини гулҳо ва зебоӣ даъват менамояд.
Шоира Хиромон Неъматзода узви Иттифоқи нависандагони Тоҷикистон буда, то имрӯз 5 маҷмӯаи шеърҳояш рӯи чоп омадаанд. Номбурда муаллифи барномаи «Сеҳри гулҳо», «Гавҳари дил» ва «Сад ранги чаман» буда, айни ҳол дар радиои «Фарҳанг»- и Кумитаи телевизион ва радиои назди Ҳукумати Ҷумҳурии Тоҷикистон фаъолият дорад.

 

Октябрь 12, 2016 17:19

Хабарҳои дигари ин бахш

Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид
Дар Маҷмааи варзишии шаҳри Хоруғ барои ҷоми Раиси вилоят мусобиқаи футболи хурд оғоз шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Фалсафаи ваҳдат ва истиқрори сулҳи тоҷикон». Таҳти ин унвон дар Донишгоҳи давлатии Кӯлоб ҳамоиш доир гардид
СОЛИ МАЪРИФАТИ ҲУҚУҚӢ. Бо сокинону фаъолони шаҳри Бохтар вохӯрӣ доир гардид
Дар шаҳри Турсунзода ҳамоиши «Корвони зиддимухаддиротӣ – 2024» доир шуд
«Ҷоми Ҳизби Халқии Демократии Тоҷикистон» насиби дастаи футболбозони ноҳияи Ҷалолиддини Балхӣ шуд
Донишҷӯёни Донишгоҳи техникии Тоҷикистон таҷрибаомӯзии истеҳсолиро дар Неругоҳи барқи обии «Қайроқум» мегузаронанд
Дар Хоруғ таҳти унвони «Модару бонувони ваҳдатсаро» ҳамоиш доир гардид
15-17 июн дар минтақаҳои алоҳидаи Тоҷикистон хавфи омадани сел боқӣ мемонад
ҲИФЗ ВА МУАРРИФИИ МЕРОСИ НИЁГОН. Ин мавзуъ дар меҳвари мулоқоти Президенти Тоҷикистон бо аҳли илм ва маорифи мамлакат қарор дошт