Намояндаи доимии Тоҷикистон дар Конфронси СММ оид ба манзил ва рушди устувори шаҳрҳо (Habitat 3) иштирок намуд
Душанбе, 21.10.2016 /АМИТ «Ховар»/. 19 октябри 2016 Намояндаи доимии Ҷумҳурии Тоҷикистон дар СММ Маҳмадамин Маҳмадаминов дар ҷаласаи пленарии Конфронси СММ оид ба манзил ва рушди устувори шаҳрҳо (Habitat 3), ки рӯзҳои 17-20 октябри 2016 дар шаҳри Китои Эквадор баргузор гардид, иштирок ва суханронӣ намуд.
Намояндаи доимӣ зикр кард, ки Habitat III платформаи саривақтиро ҷиҳати ҳалли масъалаҳои вобаста ба татбиқи Ҳадафҳои рушди устувор (SDGs) таъмин намуда, имкониятро барои муҳокимаи нақшаҳои оянда оид ба бархӯрди дастаҷамъона ба тамоюлҳои кунунии таъсиркунанда ба шаҳрҳо, шаҳракҳо ва дигар минтақаҳои шаҳрӣ фароҳам хоҳад овард.
Дар ин робита, Намояндаи доимӣ аз мушкилоте, ки Тоҷикистон бо онҳо рӯбарӯ мебошад, аз ҷумла офатҳои табиӣ, тағйирёбии иқлим, мушкилоти демографии маҳаллаҳо ва норасоии неруи барқ дар фасли зимистон ёдовар шуд. М. Маҳмадаминов таъкид кард, ки Тоҷикистон ба наздикӣ «Стратегияи миллии рушд то соли 2030»-ро қабул намуд, ки роҳҳои ҳалли тамоми мушкилоти зикршударо дар бар мегирад.
Намояндаи доимӣ иштирокдоронро бо ташаббуси нави Тоҷикистон Даҳсолаи байналмилалии амалиёти «Об барои рушди устувор 2018-2028», ки соли равон дар Маҷмаи Умумии СММ пешбарӣ мегардад, шинос намуд ва изҳори умедворӣ кард, ки ин иқдоми муҳим ба ҷомеаи байналмилалӣ ҷиҳати ноил гардидан ба ҲРУ-и вобаста ба об кумак хоҳад кард.
Имрӯз дар Тоҷикистон ҳавои тағйирёбандаи бебориш пешгӯӣ мешавад
«Ибни Сино ва Абубакри Розӣ — нобиғаҳои тамаддуни башарӣ». Дар Душанбе таҳти ин унвон ҳамоиш доир гардид
Дар Душанбе Ҷаласаи Комиссияи байнидавлатӣ оид ба рушди устувори кишварҳои Осиёи Марказӣ баргузор гардид
Имрӯз дар шаҳри Душанбе ҳаво то 15 дараҷа гарм мешавад
Дар Донишгоҳи давлатии Кӯлоб бахшида ба Рӯзи Конститутсияи Тоҷикистон конференсияи илмӣ-назариявӣ баргузор шуд
Дар Суди конститутсионии Тоҷикистон бахшида ба Рӯзи Конститутсия маҷлиси тантанавӣ доир гардид
Дар Агентии ҳифзи меъроси таърихию фарҳангӣ 31-солагии Конститутсияи Тоҷикистонро таҷлил намуданд
Дар шаҳри Душанбе чорабинии фарҳангӣ ба ифтихори Рӯзи Конститутсияи Ҷумҳурии Тоҷикистон баргузор гардид
КОНСТИТУТСИЯ — ИНЪИКОСКУНАНДАИ СУННАТҲОИ ПУРҒАНОВАТИ ХАЛҚИ ТОҶИК. Андешаҳои ҳуқуқшинос Исмоил Абдуалимзода оид ба ҷанбаҳои таърихии ин санад
Имрӯз дар баъзе ноҳияҳои Тоҷикистон туман мефарояд
Бахшида ба Рӯзи Конститутсия дар ноҳияи Данғара ҳамоиши идона доир шуд
Дар Донишгоҳи байналмилалии сайёҳӣ ва соҳибкорӣ дар ҳошияи иштироки Президенти Тоҷикистон дар Саммити СММ ҳамоиши илмӣ баргузор шуд
