Ш. Бобозода: корхонаҳои саноатии мамлакат ба мутахассисони баландихтисос эҳтиёҷ доранд

Октябрь 25, 2016 12:12

Душанбе, 25.10.2016 /АМИТ «Ховар»/.  Вазири саноат ва технологияҳои нави Ҷумҳурии Тоҷикистон Шавкат Бобозода тамоми масъулини Донишкадаи соҳибкорӣ ва хизматро  вазифадор намуд, ки бо вазорат ва корхонаҳои истеҳсолӣ ҳамкориро вусъат дода, ба ин васила раванди тайёр кардани мутахассисони баландихтисосро таҳким бахшанд.
Дар ин бора аз Донишкадаи соҳибкорӣ ва хизмат хабар доданд. Бино ба иттилои манбаъ, Вазири саноат ва технологияҳои нави Ҷумҳурии Тоҷикистон Шавкат Бобозода бо мақсади шиносоӣ бо вазъи таълим ва шароити донишкада бо ҳайати профессорону омӯзгорони донишкада вохӯрд.
Ректори  донишкада, профессор Диловар Қодирзода зикр намуд, ки чунин вохӯрӣ ба манфиат ва пешбурди корҳо дар самти тарбияи мутахассисони баландихтисос хоҳад буд.
Вазири саноат ва технологияҳои нави Ҷумҳурии Тоҷикистон Шавкат Бобозода оид ба вазъи имрӯзаи фаъолияти корхонаҳои саноатии мамлакат ва эҳтиёҷи онҳо ба мутахассисони баландихтисос изҳори андеша намуд. Шавкат Бобозода  зикр кард, ки тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пешрафти соҳаи саноати мамлакат аз сатҳу сифати дониш ва малакаи мутахассисони ҷавон вобастагии ногусастанӣ дорад. «Бинобар ин зарур аст, ки ҳамбастагии миёни таҳсилот, илм ва истеҳсолот таъмин карда шавад, то мутахассиси оянда имрӯз аллакай аз раванди истеҳсолот дар корхонаҳо бохабар бошад ва ҳангоми ба кор шурӯъ кардан бо мушкилиҳо мувоҷеҳ нагардад»,-афзуд Ш. Бобозода.

Октябрь 25, 2016 12:12

Хабарҳои дигари ин бахш

Имрӯз дар водиҳои Тоҷикистон ҳаво то 38 дараҷа гарм мешавад
Дар Мастчоҳ вохӯрии вакили Маҷлиси намояндагон бо интихобкунандагон доир шуд
Мутахассисони алоқа «таҳаввулоти рақамӣ» пешбинӣ менамоянд
Олимони тоҷик аз қитъаҳои заминҳои таҷрибавӣ дар Яғноб ҳосили хуб гирифтанд
Имрӯз дар ноҳияҳои кӯҳии Тоҷикистон ҳаво то 30 дараҷа гарм мешавад
Дар шаҳри Бӯстон бахшида ба соли нави таҳсил ҳамоиш доир шуд
Дар ноҳияи Рӯдакӣ сохтмони муассисаи томактабии «Ёсуман» ба анҷом расид
Бахшида ба Рӯзи дониш дар Донишкадаи кӯҳию металлургии Тоҷикистон ҳамоиш баргузор шуд
МАЪРИФАТ — ПОЙДОР, ИЛМУ АДАБ — УСТУВОР. Дар ноҳияи Ёвон Рӯзи дониш ва Дарси сулҳ таҷлил гардид
Имрӯз дар шаҳри Душанбе ҳаво то 35 дараҷа гарм мешавад
«Ҷойгоҳи зан дар даврони Истиқлол»-таҳти чунин унвон дар Левакант конфронси ҷумҳуриявӣ доир гардид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад