Бахшида ба Рӯзи Президенти Ҷумҳурии Тоҷикистон дар ДДХ намоиши китоб баргузор шуд

Ноябрь 15, 2016 15:30

kitobХоруғ, 15.11.2016. /АМИТ «Ховар»/. Ба истиқболи Рӯзи Президенти Ҷумҳурии Тоҷикистон дар китобхонаи Донишгоҳи давлатии Хоруғ (ДДХ) китобҳои илмиву таърихии Пешвои миллат ва олимону муаррихони маъруфи кишвар ба намоиш гузошта шуданд. Устоди ин донишгоҳ, номзади илми таърих Элбон Ҳоҷибеков гуфт, ки «Президенти кишвари мо кафили ҳифзи якпорчагии кишвар, нигоҳ доштани фарҳангу суннати миллат, сулҳу оромӣ, ташкили кору зиндагии шоиста барои шаҳрвандон ва ҳифзи марзу буми мамлакат аст. Нақши Президенти мо дар сарнавишти имрӯз ва фардои миллати тоҷик басо муассир аст ва ҳамаи онҳое, ки пешрафту тараққиёти онро мехоҳанд, аз Сарвари давлати худ пуштибонӣ хоҳанд кард».
Дар намоиш зикр гардид, ки: «Гиромӣ доштани Рӯзи Президент бори дигар назар андохтан ба таърихи гузаштаи худ, таҳлили амиқу беғаразонаи ҳодисаву воқеаҳое, ки аз сари мо гузаштанд ва муҳимтар аз ҳама, ҷилавгирӣ аз такрори чунин ҳаводиси талх дар ҷомеаи тоҷикон мебошад. Насли имрӯз ва фардо бояд донад, ки ин фазои ором бо чӣ заҳмату ҷонбозиҳо ба даст оварда шуд. Мутолиаи китоб беҳтарин василаи шиносоӣ бо таърих ва фарҳанги миллати худ аст ва ҳадафи мо аз баргузории ин намоиши китоб тарғибу ташвиқи наврасону ҷавонон ба мутолиаи китоб аст».
Мудири китобхонаи мазкур Малика Алимамадова гуфт, ки «чанде қабл ба китобхона 1 ҳазору 600 нусха китоб ворид шуд, ки дар миёнашон асарҳои зиёде ба корномаи таърихии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон бахшида шуданд. Мо аз он шод ҳастем, ки баъди намоиши мазкур донишҷӯён даҳҳо асарҳои илмиву таърихиро интихоб карда, барои мутолиа ба хона бурданд».

Ноябрь 15, 2016 15:30

Хабарҳои дигари ин бахш

Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
«ТОҶИКИСТОН, БА ПЕШ!». Дар шаҳри Ҳисор ташкилоти ибтидоии нави Ҳизби Халқии Демократии Тоҷикистон таъсис дода шуд
Имрӯз дар ноҳияҳои кӯҳии Тоҷикистон ҳаво то 40 дараҷа гарм мешавад
Дар лагерҳои «Шабдез» ва «Саодат»-и Вилояти Мухтори Кӯҳистони Бадахшон 230 нафар хонандагон ба истироҳат фаро гирифта шуданд
ИСТИФОДАИ САМАРАНОКИ ЗАМИН. Сокинони биноҳои баландошёнаи шаҳри Норак дар ин самт намунаи ибратанд
Дар Истаравшан корҳои омодагӣ ба соли хониши 2025-2026 вусъат меёбанд
Дар шаҳри Норак 5215 нафар кӯдакону наврасон ба истироҳатгоҳҳо ҷалб карда мешаванд
Дар Китобхонаи миллӣ барои шахсони имконияташон маҳдуд «Гӯшаи китобҳои гӯё» ташкил гардид