Иштироки амири Риёз дар ҷашни 25-умин солгарди Истиқлолияти давлатии Тоҷикистон

Душанбе, 29.11.2016. /АМИТ «Ховар»/. Дирӯз дар шаҳри Риёзи Шоҳигарии Арабистони Саудӣ бо ибтикори Сафорати Тоҷикистон дар кишвар ҷашни 25-умин солгарди Истиқлолияти давлатии Ҷумҳурии Тоҷикистон таҷлил гардид, ки дар он амири ин шаҳр Файсал ибни Бандар ибни Абдулазиз иштирок намуд.
Файсал ибни Бандар ибни Абдулазиз Сафири Тоҷикистон дар Риёз Заробиддин Қосимӣ ва тамоми меҳмонону ҳозиринро ба муносибати ин санаи фархунда таҳният гуфта, хоҳони рушди бештари ҳамкории дуҷонибаи Тоҷикистон ва Арабистони Саудӣ гардид.
Дар маросим ҳамчунин намояндагони Вазорати корҳои хориҷии Арабистони Саудӣ ва намояндаҳои корпусҳои дипломатии дигар кишварҳои муқими Риёз иштирок намуданд.
Дар маросим Амири шаҳри Риёз аз намунаҳои дастовардҳои Тоҷикистон тӯли Истиқлолият ва ҳунарҳои мардумии Тоҷикистон дидан намуд.