Квон Ён У: «Корея шарики боэътимоди Ҷумҳурии Тоҷикистон аст»

Ноябрь 22, 2016 16:13

Душанбе, 22.11.2016 /АМИТ «Ховар»/. «Ҷумҳурии Корея ба Ҳукумати Ҷумҳурии Тоҷикистон барои дар оянда ноил гаштан ба дастовардҳои аз ин ҳам бештар таманниёти нек дорад. Ман умедвор ҳастам, ки Корея дар ин ҷода яке аз шарикони боэътимоди Ҷумҳурии Тоҷикистон боқӣ хоҳад монд»,-иброз дошт имрӯз зимни нишасти хабарӣ пас аз супоридани эътимоднома ба Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Сафири Фавқулода ва Мухтори Ҷумҳурии Корея дар Тоҷикистон Квон Ён У.
Ба гуфти Квон Ён У, «Тоҷикистон ва Корея соли 1992 муносибатҳои дипломатиро барқарор намуданд, ки 25-солагии онро соли оянда таҷлил хоҳем кард. Ҷонибҳо дар тӯли ин солҳо ҳамкориро дар сатҳи олӣ дар бахшҳои гуногуни иқтисодӣ ба роҳ мондаанд. Вале дар ин ҷода ҳоло имкониятҳои истифоданашуда ниҳоят зиёд ҳастанд».
Сафири нави Корея дар Ҷумҳурии Тоҷикистон баён дошт, ки тамоми кӯшишҳои худро ба харҷ медиҳад, то муносибатҳои аллакай мавҷуда байни ду кишвар боз ҳам қавӣ гарданд. Ӯ гуфт: «Ман дар тӯли фаъолияти худ мехостам ба тақвият бахшидани муносибатҳои иқтисодии байни ду кишвар эътибори хоса диҳам.
Инчунин мехостам ба тавсеаи муносибатҳои мубодилаи фарҳангӣ ва табодули таҷрибаву дониш байни мардумони кишварҳоямон диққати хоса диҳам, чунки итминон дорам пешравӣ дар ин соҳаҳо ба мо имкон медиҳад кӯшишҳои худро боз ҳам якҷоя ба харҷ дода, ба рушди аз ин ҳам бештар ноил гардем».

Ноябрь 22, 2016 16:13

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд