Натиҷагирӣ аз мавсими «Ҳаҷ-2016» дар ҳузури муовини Сарвазир

Ноябрь 4, 2016 17:30

Душанбе, 04.11.2016. /АМИТ «Ховар»/. Дар ҳузури муовини Сарвазири Ҷумҳурии Тоҷикистон Азим Иброҳим бо иштироки аъзои Комиссия оид ба ҷамъбасти мавсими «Ҳаҷ-2016» ҷаласаи корӣ баргузор гардид.

Тавре таъкид шуд, бо мақсади шаффоф баргузор намудани мавсими «Ҳаҷ-2016» рўзҳои 3 март, 11 апрел ва 12 августи соли 2016 ба ҳамин монанд ҷаласаҳои ситоди корӣ баргузор гардида, дар асоси дастуру супоришҳои протоколи ҷаласаи Комиссия, аз ҷумла муҳлати буду боши шаҳрвандони Тоҷикистон, ки барои адои ҳаҷ ба Арабистони Саудӣ сафар карданд, кўтоҳ карда шуд.

Бояд гуфт, ки ҷиҳати адои маносики ҳаҷ 6415 нафар шаҳрванди Тоҷикистон ба Арабистони Саудӣ сафар карда, ба онҳо аъзои гурўҳи корӣ, ҳайати табибон ва роҳбаладон хизмат расониданд.

Муовини Сарвазири мамлакат ҳангоми таҳлил ва ҷамъбасти мавсими “Ҳаҷ-2016” таъкид намуд, ки натиҷаи заҳматҳои пайвастаи гурўҳи корӣ буд, ки ҷониби Тоҷикистон барои дар сатҳи муносиб ва тибқи талабот ба роҳ мондани маносики ҳаҷ аз тарафи Вазорати ҳаҷи Арабистони Саудӣ, Муассисаи ҳоҷиёни Туркияву мусулмонони Осиёи Миёна ва Аврупо бо ифтихорнома ва сипосномаҳо қадрдонӣ карда шуд.

Дар ҷаласа барои ислоҳи камбудиҳои дар давоми рўзҳои баргузории маносики “Ҳаҷ-2016”, аз ҷумла ҳолатҳои саривақт нарасонидани кумаки аввалияи тиббӣ, аз фарзияти ҳаҷ ва касбияти кор бархўрдор набудани баъзе роҳбаладон, беэътиноӣ ва беэҳтиромӣ нисбати ҳамдигар дар маросими адои ҳаҷ ва беҳтар намудани сифати дўхти либос барои ҳаҷравандагон масъулони соҳа вазифадор карда шуданд.

Ноябрь 4, 2016 17:30

Хабарҳои дигари ин бахш

Дар шимоли Фаронса бар асари тӯфон қариб 90 ҳазор хона бе барқ монд
«Таҳкими иқтидори мудофиавии Тоҷикистон-омили таъмини амнияти миллӣ». Таҳти ин унвон дар Душанбе ҳамоиш доир шуд
Ҳайати намояндагони Ҳизби Коммунистии Чин дар Осорхонаи миллии Тоҷикистон бо таъриху тамаддуни бостонии тоҷикон шинос гардиданд
Эмомалӣ Раҳмон: «Раванди таъмини сохторҳои низомӣ ва мақомоти ҳифзи ҳуқуқ бо беҳтарин шароиту имконият минбаъд низ идома меёбад»
Дар ноҳияи Мастчоҳ ба ифтихори Рӯзи Қувваҳои Мусаллаҳ афсарону сарбозони фаъолро ҳавасманд намуданд
РӮЗИ ҚУВВАҲОИ МУСАЛЛАҲ. Роҳбарият ва намояндагони шаҳри Ҳисор ба дидорбинии сарбозону афсарон рафтанд
Имрӯз дар Тоҷикистон ҳавои тағйирёбанда мешавад
РӮЗИ ДИЛОВАРОНИ ШУҶОИ ВАТАН. Дар Донишкадаи кӯҳию металлургии Тоҷикистон 31-солагии таъсиси Қувваҳои Мусаллаҳ таҷлил гардид
ШАҲРВАНДОНИ КОМИЛҲУҚУҚ. Ба 1152 хатмкунандаи муассисаҳои таълимии ноҳияи Восеъ шиноснома дода шуд
Финляндия дар бораи эпидемияи вирус байни кӯдакони хурд хабар додааст
Дар «Тоҷикфилм» Рӯзи Қувваҳои Мусаллаҳи Ҷумҳурии Тоҷикистонро таҷлил намуданд
МЕВАҲОИ ИСТИҚЛОЛ. Намоиш-фурӯши корҳои эҷодии донишҷӯёни Донишгоҳи давлатии Хуҷанд доир шуд