Баррасии масъалаҳои таҳсилоти ибтидоии касбӣ ва таълими калонсолон

ДУШАНБЕ, 15.12.2016 /АМИТ «Ховар»/. Масъалаҳои марбут ба муносибатҳои меҳнатӣ, муҳоҷират, шуғли аҳолӣ, таҳсилоти ибтидоии касбӣ ва таълими калонсолон зимни маҷлиси ҳайати васеи мушовара оид ба ҷамъбасти фаъолияти вазорат дар соли 2016 ва вазифаҳо барои соли 2017 дар Вазорати меҳнат, муҳоҷират ва шуғли аҳолии Ҷумҳурии Тоҷикистон баррасӣ гардид. Дар ин бора ба АМИТ «Ховар» аз Вазорати меҳнат, муҳоҷират ва шуғли аҳолӣ хабар доданд.
«Вазири меҳнат, муҳоҷират ва шуғли аҳолии Ҷумҳурии Тоҷикистон Сумангул Тағойзода доир ба дастовардҳои вазорат дар соли 2016, мушкилоти ҷойдошта дар фаъолият ва вазифаҳо барои соли 2017 маърӯзаи ҳисоботӣ пешниҳод намуд. Дар ҷамъомад масъулин инчунин доир ба самтҳои фаъолияти худ гузориш доданд. Вобаста ба масъалаҳои баррасишуда қарорҳои дахлдор қабул гардиданд»,-зикр кард манбаъ.
Дар кори ҷаласа сардори Раёсати рушди иҷтимоии Дастгоҳи иҷроияи Президенти Ҷумҳурии Тоҷикистон Гулҷаҳон Абдуфаттоҳзода иштирок карда, дар маҷмўъ ба фаъолияти вазорат баҳои мусбат дод.